काठमाडौं– चितवनको लदरी खोलाको पुल पुनः निर्माण गर्नका लागि राष्ट्रिय योजना आयोग मार्फत ९ करोड रुपैयाँ छुट्याइएको छ । पूर्वी चितवनको लदरी ०७८ सालको साउन महिनामा आएको बाढिले क्षति भएको पुलको पुनः निर्माणको लागि योजना आयोग मार्फत उक्त रकम प्राप्त भएको हो ।
योजना आयोगका पूर्व सदस्य तथा त्रिभुवन विश्व विद्यालयका निर्वतमान उप–कुलपती प्रा.डा तीर्थराज खनियाँको पहलमा उक्त रकम प्राप्त भएको नेपाल विद्यार्थी संघ त्रि.वि समितिका कार्यवाहक सभापति शरण कुमार बस्नेतले बताएका छन् । आयोगका उपाध्यक्ष डा. विश्व पौडेललाई पुल पुनः निर्माणका लागि आयोगको पूर्व सदस्य प्रा.डा तीर्थ खनियाँ र कांग्रेस चितवनका नेताहरले आग्रह गरेको बताइएको छ ।
आयोगका उपाध्यक्ष पौडेललाई पत्र बुझाउदै पुलः नहुदा त्यहाँका जनाताले दुःख भोग्नु परिरहेको बताइएको छ । पत्रमा पूर्वी चितवनको खैरेनी नगरपालिकाको लदरी खोलाको पुल ०७८ सालको बाढीले क्षतिग्रस्त हुँदा त्यस भेगका २० हजारभन्दा बढी नागरिकलाई आवत जावतमा ठूलो समस्या भएको अवस्थामा नगर पालिकाका वडा नम्बर २ का अध्यक्ष टिकादत्त इटनी मार्फत त्यस भेगका उपभोक्तालाई मध्यनजर गर्दै योजना आयोगलाई बजेटको व्यवस्था गरिदिन आग्रह गरिएको थियो । यस विषयमा योजना आयोगका उपाध्यक्ष पौडेल मार्फत पुलको पुनः निर्माणका लागि ९ करोड रकम विनियोजन भएको जानकारी प्राप्त भएको जनाइएको छ ।
पुल पुनः निर्माणका लागि स्थानिय बासिन्दाको अनुरोध तथा नेपाली कांग्रेसका नेताहरु गुणराज श्रेष्ठ, रोहणी उप्रेती, खेम उप्रेती, टिका तिमिल्सिना, शरण बस्नेत, कुमार कार्की, राममणी न्यौपाने, प्रदीप पण्डित, प्रदीप बस्नेत, ई.सुभास बराल र रामेश्वर बस्नेत रहेको समूहले निरन्तर पहल गरेको र प्रा.डा खनियाँको विशेष पहलमा यो कार्य सफल भइएको बताइएको छ ।
