काठमाडौं — रंगमञ्च क्षेत्रमा शिल्पी थिएटर चर्चित छ । अब शिल्पी थिएटर प्रदेश १ मा पनि स्थापना हुने भएको छ । प्रदेश १ सुन्दरहरैंचा नगरपालिका (मोरङ)ले शिल्पी थिएटरलाई पाँच कठ्ठा जग्गा उपलब्ध गराएको छ । बुधबार नगरपालिका प्रतिनिधिले जग्गा प्रदान गरेको हस्ताक्षरसहितको सम्झौता पत्र शिल्पी थिएटरका प्रतिनिधिलाई हस्तान्तरण गरेका हुन् । यससँगै शिल्पीले प्रदेश १ मा पनि आफ्नो उपस्थिति जनाउने भएको हो ।
नगर प्रमुख शिवप्रसाद ढकाल र प्रशासकीय अधिकृत विनोदप्रसाद भट्टराई र शिल्पी थिएटरका संस्थापक घिमिरे युवराजले आआङ्खनो पक्षबाट सम्झौता पत्र हस्ताक्षर गरेका हुन् । मोरङबाट शिल्पी थिएटरका निर्देशक घिमिरेले भने, ‘भर्खरै सम्झौता भएको कागज पाएका हौं । एकदमै उत्साहित छौं । रंगमञ्च र कला नगरपालिकाले इनिसिएटिभ लिनु उदाहरणीय काम हो ।’ नगरसभाले पारित गरेर शिल्पी थिएटरलाई उपलब्ध गराएको यो जग्गामा २५० सिट क्षमता भएको नाटक घर र ५०० सिट क्षमता भएको ‘ओपन एयर’ थिएटर बनाइने निर्देशक घिमिरेले बताए । उनले भने, ‘यसमा प्रदेश सरकार र संस्कृति मन्त्रालयको सहयोग हुन्छ र काम एक वर्षभित्रमा सम्पन्न हुन्छ ।’
उनले थपे, ‘पहिला केन्द्रीय सरकारको मुख ताक्नुपर्दथ्यो । अहिले स्थानीय स्तरमा आङ्खनो समुदायलाई कसरी समृद्ध बनाउन सकिन्छ भन्ने अभ्यास हो ।’ सांस्कृतिक रूपमा स्थानीय सरकारको निर्णय चल्दा बहुभाषिक, बहुसाँस्कृतिक कुराले प्राथमिकता पाउने उनको भनाइ छ । यसले राजधानीजस्तै देशका अन्य ठाउँको पनि आङ्खनो अस्तित्व स्थापना गर्ने आधार बलियो बनाउने बताइएको छ ।
‘मोरङमा नाटकघर बन्नु भनेको स्थानीय सरकारको सहयोगमा यहाँको भाषा, संस्कृति र आङ्खनो अस्तित्वलाई सम्मान गरिनु हो । यसले यहाँका आममानिसमा रंगमञ्च र कला–संस्कृतिप्रति अपनत्व जगाउने छ’ घिमिरेले भने । सुन्दरहरैंचा नगरपालिकाको यो निर्णयबाट अन्य नगरपालिकालाई पनि प्रेरित गर्ने निर्देशक घिमिरेको विश्वास छ ।
