ओखलढुंगा– जिल्ला समन्वय समितिका प्रमुख जयबहादुर श्रेष्ठले निर्माण गरेका सडकहरू स्थानिय तहलाई हस्तान्तरण गरेका छन । श्रेष्ठले २०६६ सालमा सडक सञ्जाल दुलर्भ भएको बेलामा मानेभञ्ज्याङ देखि सिस्नेरी भञ्ज्याङ सम्म जेवि मार्ग र मानेभञ्ज्याङ देखि थाक्ले हुँदै टोक्सेलको सातसल्ले सम्म जेविटीटी मार्ग करिब १ करोड ३५ लाख लगानी गरी निर्माण गरेका श्रेष्ठले दुबै सडक स्थानिय सुनकोशी गाउपालिका र मानेभञ्ज्याङ गाउँपालिकालाई हस्तारण गरेका हुन ।
आङ्खनो पुर्ण साझेदारी लगानी भएका दुबै सडक खण्ड गाउँपालिका अध्यक्षहरूको रोहवरमा हस्तान्तरण गरिएको छ । केही वर्ष अघिसम्म ओखलढुंगाका ग्रामिण क्षेत्रमा सडक थिएनन् । नुन तेल तथा अन्य उपभोग्य सामानको लागि अर्को जिल्लाबाट ढाकरमा बोक्नु पर्ने बाध्यता थियो । उनीहरू आफै सडक निर्माण गर्नसक्ने पनि थिएनन् । प्रमुख श्रेष्ठले सिस्नेरीबासीका लागि एकलौटी सडक खनिदिए । यसले स्थानियमा खुशी छायोे । अहिले स्थानिय तह निर्माण भएपछि वडामा नेतृत्व गर्नहरू छन् । स्थानिय सरकारसँग प्रसस्त श्रोत भएकोले पछिल्लो समय विकास निर्माणमा सहजता आएको छ । त्यतिखेर श्रोतको अभावमा ठुला सडक खन्ने संम्भावना थिएन । सिस्नेरीका स्थानियले एकै पटक सडक निर्माणको समय स्मरण गरेका थिए ।
श्रेष्ठले निर्माण गरेको जेवी मार्ग करिब ७।६ किलोमिटर र जेवी टीटी मार्ग ६।६ किलोमिटर दुरीका रहेका छन । सडकको जेवीटीटी मार्गमा भने साविक थाक्ले र टोक्सेल गाविसको ५० प्रतिशत साझेदारी गरी जम्मा ५२ लाख लागानी गरेको भएता पनि जेवि मार्ग भने श्रेष्ठले एकलौटी ८३ लाख लगानी गरेका थिए । अहिले यी दुवै सडकमा दैनिक ५० वटा भन्दा बढि सवारी साधन आवतजावत गरिरहेका छन् । वीच वीचमा सडक मर्मत समेत गर्दै आएका श्रेष्ठले अब उप्रान्त सडक मर्मत सुधार र स्तरोन्तीका लागि स्थानिय सरकारलाई हस्तान्तरण गरेको बताए ।
सडक निर्माण त्यसमा पनि आङ्खनो निजि लगानीमा यो चुनौतिपुर्ण काम भएको उनले बताए । श्रेष्ठकै प्रयासले अहिले सडक हस्तान्तरण हुँदैछ । आगमी दिनमा आफुहरूले नियमित सडकको स्तरोन्तीका लागि आवश्यक व्यवस्था मिलाउने मानेभञ्ज्याङ गाउपालिका अध्यक्ष मोतिराज राई प्रतिक्रिया दिए । ग्रामिण क्षेत्रमा यस किसिमको विकासप्रेमी सामाजिक मानिसहरूका कारण तिव्र विकासमा सहयोग पुगेको सुनकोशी गाउँपालिका अध्यक्ष रुद्र प्रसाद अधिकारीले बताए । श्रेष्ठको लगानी तथा नेतृत्वमा निर्माण गरिएको सडक १८ फिट चौडा रहेको छ । आफूले लगानी गरेकै कारण पनि उक्त सडकको नामाकरण जेबी मार्गलाई दुबै गाविसको साझेदारीमा आङ्खनो समेत लगानी भएकोले जेविटीटी मार्ग नामकरण गरिएको प्रमुख श्रेष्ठले बताए ।
-1752335779.jpg)
