काठमाडौं– काठमाडौं महानगरपालिका–१५ वडा लखतिर्थमा अवस्थित दुई सय वर्षभन्दा पुरानो दीप (चिहान)को पुनर्निर्माण तथा जिर्णाेद्वार सम्पन्न भएको छ । श्री अशोक विनायक गुथीको पहलमा लखतिर्थ दीप सुधार तथा जिर्णाेद्वार समितिबाट उक्त अमूल्य सम्पदा लखतीर्थ दीप (मसान)को पुनर्निर्माण तथा जिर्णाेद्वार भएको हो ।
मसानको पुनर्निर्माण तथा जिर्णोद्वार सम्पन्न भएको उपलक्ष्यमा एक समारोहको बीच चन्दादाता एवं सहयोग गर्ने स्थानीयहरूको नामअंकित शिलापत्र तथा संस्कृति एवं सम्पदाका विभिन्न लेख समेटेर समितिको आर्थिक विवरणसहित प्रकाशित लखतिर्थ दीप (मसान) स्मारिकाका लोकार्पण भएको छ । कामपा–१५ लखतिर्थमा अवस्थित उक्त मसान नजिकैको जगत सुन्दर ब्वनेकुथिको सभाहलमा भव्य समारोहका बीच समितिका सल्लाहकार जेष्ठ नागरिक एवं समाजसेवी सुवर्णमान डंगोलको मुख्य आतिथ्यमा बिभिन्न संघ संस्था तथा व्यक्तित्वहरुलाई दीप संरक्षण तथा सुधार गर्ने कार्यमा हातेमालो गरेकोमा सम्मान पत्र, दोसल्ला तथा मायाको चिनो प्रदान गरिएको छ ।
नेपाल कम्युनिस्ट पार्टी (एकीकृत समाजवादी) का केन्द्रीय समिति सदस्य तथा काठमाडौं–८ क्षेत्रका संघीय सांसद जीवन राम श्रेष्ठ, कामपा–१५ वडा अध्यक्ष एवं काठमाडौं महानगरपालिकाका प्रवक्ता इश्वरमान डंगोल, ज्यापु संस्कृति विकास कोषका अध्यक्ष मंगल सिंह, कामपा–१५ वडा सदस्य मैयाँलक्ष्मी महर्जनलगायतले आर्थिक एवं भौतिक रूपमा सहयोग गर्ने महानुभावहरूलाइ सम्मान एवं मतिनाको चिनो प्रदान गरिएको थियो । कार्यक्रममा जीर्णोद्धार समितिले प्रकाशन गरेको स्मारिका प्रमुख अतिथि सुवर्णमान डंगोल र संघीय सांसद जीवनराम श्रेष्ठले संयुक्त रूपमा विमोचन गरेका थिए ।
कार्यक्रममा आफ्नो मन्तब्य राख्ने क्रममा सांसद जीवन राम श्रेष्ठले ऐतिहासिक इतिहास बोकेका सम्पदाको संरक्षण समयमा नगरे हराएर जान सक्ने बताए ।
‘हामि सस्कृति र सम्पदासँग प्रत्यक्ष जोडिएका छौं । मृत्यु संस्कारको परम्परा हाम्रो संस्कारसँग जोडिएर रहेको छ । मृत्यु दाहसंस्कार गर्ने दीप –चिहान)को सम्रक्षण गर्न सके हाम्रो परम्परा जोगिन्छ ।’ श्रेष्ठले भने, ‘दीप (चिहान) लाई नयाँ बैज्ञानिक ढंगको रुपान्तरण गर्दै लजानु पर्ने समयको आवश्यकता हो ।’ मन्तब्य राख्ने क्रममा कामपा–१५ का प्रवक्ता वडाध्यक्ष इश्वरमान डंगोलले दीप संरक्षण तथा जिर्णोद्वार कार्य स्थानीय मोडलमा भएको बताए । उनले अशोक विनायक गुथि निभाएको भुमिका एवं सुरूवात समयमा सहयोग गर्नुहुने चन्द्र मान सिंहलाई सम्झिए ।
‘मानव जीवनको अन्तिम लक्ष्य भनेकै यही दीप हो, र यहि दीप बनाउन सबैले अपनत्व देखाएकोमा सामाजिक प्राणी स्थानीय नागरिकहरूले मानव जीवनको परम्परागत मूल्य मान्यतालाइ समाजमा नमुनाको रूपमा प्रस्तुत गरेको छ ’ उनले भने । संसद बिकास कोष तथा विभिन्न दाताहरुको चन्दा सहयोगमा करिव दुइ सय बर्ष भन्दा पुरानो इतिहास रहेको लखतिर्थ दीप (चिहान) जीर्णोद्धार गरि पुनः निर्माण भएको हो ।
दीप (चिहान)लाइ नयाँ बैज्ञानिक पद्दतिमा बनाउने कार्य भइरहेको लखतिर्थ दीप (चिहान) सुधार तथा जीर्णोद्धार समितिले जनाएको छ । जीर्णोद्धार समितिका अध्यक्ष मचाम महर्जनको सभापतित्वमा सम्पन्न भएको उक्त सम्मान तथा शिलापत्र अनावरण कार्यक्रममा समितिका सदस्य शंकर महर्जनले कार्यक्रम सञ्चालन गरेका थिए ।
