मोरङ– प्रदेश १ मा गत २४ घन्टामा ३ सय २० जनामा कोरोना संक्रमण पुष्टि भएको छ भने ४ जनाको मृत्यु भएको छ । सामाजिक विकास मन्त्रालयका अनुसार प्रदेशमा गरिएको १ हजार ५९ जनाको पीसीआर परीक्षणमा २ सय २९ र ४ सय ५१ जनाको एन्टिजेन परीक्षणमा ९१ जनाको रिपोर्ट पोजेटिभ आएको थियो । मन्त्रालयका अनुसार पीसीआर परीक्षणका क्रममा मोरङमा ९३, झापामा ७९, सुनसरीमा ४८, पाँचथरमा २, धनकुटा, संखुवासभा र तेहृथुममा समान १ र प्रदेश १ बाहिरका ४ जनामा संक्रमण देखिएको हो । मोरङको विराटनगरमा ५२, पथरीशनिश्चरेमा १५, बेलबारीमा ८, रतुवामाई र लेटाङमा समान ५, सुन्दरहरैचामा ३, सुनबर्षी, उर्लाबारी, मिक्लाजुङ, धनपालथान र कटहरीमा समान १ जनामा संक्रमण पुष्टि भएको छ ।
त्यस्तै झापाको बिर्तामोडमा २०, दमकमा १७, कनकाईमा १०, शिवसताक्षी र अर्जुनधारामा समान ८, भद्रपुरमा ६, मेचीनगरमा ५, बुद्धशान्तिमा ४, झापा गाउँपालिकामा १ जनाको रिपोर्ट पोजिटिभ आएको छ । मन्त्रालयले पहाड क्षेत्रतर्फ, धनकुटाको पाख्रिबास, संखुवासभाको चैनपुर र तेह्रथुमको म्याङलुङमा समान १ र प्रदेश १ बाहिरका ४ जनामा संक्रमण देखिएको जनाएको छ । त्यस्तै स्वास्थ्य तथा जनसंख्या मन्त्रालयका अनुसार सबैभन्दा धेरै काठमाडौंमा ३५५, ललितपुरमा १५१, कास्कीमा १३३, मोरङमा ९६, झापामा ८९ जनामा कोरोना संक्रमण पुष्टि भएको छन् ।
यस्तै भक्तपुरमा ५८, सुनसरीमा ५१, रूपन्देहीमा ३६, चितवन र बाँकेमा २७/२७ जना, नुवाकोट र मकवानपुरमा १८/१८ जना, काभ्रेपलाञ्चोकमा १७, दोलखा र कैलालीमा १६/१६ जना, सुर्खेतमा १२ , दाङमा ११ र लमजुङमा १० जनामा कोरोना संक्रमण देखिएको मन्त्रालयले जनाएको छ । यसरी सबैको तथ्यांक हेर्दा पछिल्लो २४ घन्टामा १,४७८ जनामा कोरोना भाइरस संक्रमण पुष्टि भएको देखिएको छ ।११हजार ७६ पीसीआर परीक्षण गर्दा १ हजार २५१ जना र २ हजार ८६३ एन्टिजेन परीक्षण गर्दा २ सय २७ गरी १ हजार ४७८ जनामा कोरोना भाइरसको संक्रमण देखिएको स्वास्थ्य तथा जनसंख्या मन्त्रालयले जनाएको छ । यस्तै पछिल्लो २४ घन्टामा कोरोना संक्रमणबाट ६ जनाको मृत्यु भएको छ । नेपालमा कोरोना संक्रमितको कुल संख्या ७ लाख ८७ हजार ८२८ पुगेको छ । योसँगै नेपाल मृत्यु हुनेको संख्या ११ हजार ५९ पुगेको छ भने ७ लाख ५५ हजार ६३० जना संक्रमणमुक्त भएका छन् ।
