काठमाडौं– युनिभर्सल पिस फेडेरेसनद्वारा आयोजित थिंक ट्यांक २०२२ र्याली अफ होप कार्यक्रम आइतबार सम्पन्न भएको छ । २०२० बाट सुरु गरिएको र्याली अफ होपको यो सातौँ संस्करण हो । सम्मेलनमा अमेरीकी पूर्वराष्ट्रपति डोनाल्ट ट्रम्पले राष्ट्र आत्मिक रूपमा बलियो हुनु पर्ने बताए ।
शान्तिका लागि देशभक्त, इश्वरप्रतिको विश्वास र नागरिकहरूप्रति मायाको खाँचो भएको बताए । युरोपेली आयोग अध्यक्ष जोसे म्यानुअल बरोसोले दुई कोरियाको शान्तिपूर्ण पुनर्मिलन र कोरियाली प्रायद्वीपको परमाणु निशस्त्रीकरण, वास्तवमा धेरै महत्वपूर्ण भएको बताए । उनले आणविक निशस्त्रीकरण पुनर्मिलन, शान्ति र समृद्धि एक आपसमा जोडिएकाले साँचो मेलमिलाप आवश्यक रहेको बताए ।
गणतन्त्र भारतका प्रधानमन्त्री एच.डी. देवेगौडाले भने थिंक ट्यांक २०२२ नागरिक समाजको दृष्टिकोण सरकारी एजेन्सीहरू, र कोरियाली प्रायद्वीप र विश्व शान्तिको प्रबर्धनका लागि समर्पित बहुपक्षीय संगठनहरूको कामका लागि धेरै महत्वपूर्ण रहेको बताए । सम्मेलनमा कम्बोडियाका प्रधानमन्त्री हुन सेनले द्वन्द्वले कसैलाई फाइदा नपुग्ने बताउँदै कम्बोडियमा १९७५ मा भएको द्वन्द्वमा १५ लाख बढी मानिस मारिएको बताए । त्यसैले कोरियन पुनर्मिलन पिस समिटको अध्यक्ष हुन तयार रहेका बताए । सो समिट युपिएफका संस्थापक अध्यक्ष फादर मुन र उत्तर कोरियाली नेता किम इल सुनबीच भेटवार्ता भएको ३० वर्ष पुगेको अवसरमा आयोजना गरिँदै छ ।
फिलिपिन्स गणतन्त्रका राष्ट्रपति ग्लोरिया एरोयो (२०२०–२०१०), सर्बिया गणराज्यका राष्ट्रपति नताना मिसिच (२००२–२००४) युपीएफका संस्थापक डा.हाकजा हान मुनले आसाको विशेष सन्देश प्रवाह गरेका थिए । सम्मेलनका वत्ताहरूले राजनीतिक, धार्मिक, जातीय र वैचारिक सीमाभन्दा माथि उठेर, पारस्परिक निर्भरता (पारस्परिक सम्मान, सहयोग, र हाम्रो साझा मानवताको मान्यता), आपसी समृद्धि (चरम गरिबी निवारण, र मानव जातिको विकास) र ब्रह्माण्डीय मूल्यहरू विश्वासमा आधारित साझा आधार जुन हामी राष्ट्रियता, धर्म, संस्कृति, र जातिको सीमाभन्दा बाहिर रहेर आदर्शमा आधारित रही शान्तिमय संसार निर्माण गर्न पहल गर्ने बताएका थिए ।
सम्मेलने विश्व नागरिकलाई सशक्त बनाउँछ जसले व्यक्तिगत जीवन, परिवार, समुदाय र विश्वव्यापी रूपमा सार्थक परिवर्तन ल्याउँछ यो अभियानमा भाग लिएर राजनीतिक, धार्मिक, जातीय, र वैचारिक सीमाहरूभन्दा माथि उठ्न प्रेरणा मिल्ने बताइएको छ । जहाँ जलवायु परिवर्तन, भूराजनीतिक अवस्था, कोरोनाभाइरस महामारीको चुनौतिहरू, कोरियाली युद्धको ७०औँ वार्षिकोत्सवमा कोरियाली युद्धको दिग्गजहरूलाई सम्मान, शान्ती निर्माणमा अध्यात्मको भूमिकालगायत विषयमा छलफल गरिएको थियो ।
