काठमाडौं – अन्तर्राष्ट्रिय नेतृत्व सम्मेलनको तेस्रो सिरज सम्पन्न भएको छ । आर्थिक विकास र शान्तिका लागि कोरियाली प्रायदीपको पुनर्मिलनका सन्दर्भमा बिहीबार र शुक्रबार दुईदिने भर्चुअल सम्मेलन सम्पन्न भएको हो ।
कोरियाली प्रायदीपको शान्तिपूर्ण पुनर्मिलनको वातावरण बनाउन युनिर्भसल पिस फडेरेसनको आयोजनामा थिक ट्यांक २०२२ ग्लोबल फोरमले एसिया व्यासफिक स्तरीय नेतृत्व सम्मेलनमा तीन दर्जनभन्दा बढी राष्ट्रका हजारौँ व्यक्तिले सहभागिता रहेको छ भने ४० भन्दा जना वक्ताहरूले दुई कोरियाबीचको पुनर्मिलनको सम्भाव्यताबारे बोलेका थिए । सम्मेलनमा विभिन्न क्षेत्रका विज्ञहरूले सम्बोधन गदै कोरिया पुनर्मिलनको बारेमा ऐक्यबद्धता प्रकट गरेका थिए ।
भर्चुअल सम्मेलन मार्फत भएको अन्तर्राष्ट्रिय नेतृत्व सम्मेलन र थिंक ट्यांक २०२२ ग्लोबल फोरमले कोरियाली प्रायद्वीपमा आर्थिक विकासको संभावनाहरू, एसियामा यसको प्रभाव र विश्व शान्तिका लागि भूमिकाको बारेमा सम्बोधन गरिने छ । सम्मेलनमा नेपालका प्रदेश नं १ का मुख्यमन्त्री शेरधन राईले कोरियाली प्रायद्वीपको एकीकरणले कोरियाको प्रगतिमा मात्र योगदान पु¥याउँछ भन्ने होइन पूर्वोत्तर एसिया र विश्वको शान्ति र समृद्धिलाई पनि सहयोग पु¥याउने बताए । सम्मेलनमा पूर्वमन्त्री एकनाथ ढकालले कोरियाली प्रायदीपको शान्तिपूर्ण पुनर्मिलनका लागि सामाजिक अभियानहरू सञ्चालन गरेको बताउँदै दुवै कोरियाको एकीकरण बिस्तारै सम्भव बन्दै जाने बताए । युपिएफ एसिया प्यासफिकका अध्यक्षसमेत रहेका ढकालले दुवै देशका नेताहरूले एक आपसमा पटक–पटक भेटवार्ता गर्ने र सम्बन्धलाई थप मजबुद बनाउँदै लैजाने प्रतिबद्धता व्यक्त गरेका थिए । यस्ता कार्यक्रममार्फत कोरियाली प्रायदीपको पुनर्मिलनलाई सहयोग गर्ने उनले बताए ।
संविधानसभा सदस्य उदय नेपाली श्रेष्ठ लामो विभाजित र प्राविधिक रूपमा युद्धमा रहेका कोरियाली प्रायद्वीपका राष्ट्रहरूबीच शान्तिमय पुनर्मिलनको व्यावहारिक समाधान खोज्नका लागि आवश्यक रहेको बताए । सम्मेलनमा भारतीय जनता पार्टीका नेता विजय जोली, बासिङ्टन टाइम्सका अध्यक्ष म्याक डेबिट, नेपालका लागि भारतीय पूर्वराजदूत केबी राजन प्रोफेसर सिर्जना थापालगायता वक्ताहरूले बोलेका थिए ।
सम्मेलनलाई अंग्रेजी, नेपाली, रसियन, खमेर, थाइलगायत सात भाषामा अनुवाद गरिएको सम्मेलनको प्रत्यक्ष तथा बिभिन्न सामाजिक सञ्जालको माध्यमबाट लाखौँको सहभागिता रहेको थियो ।
युनिभर्सल पिस फेडेरेसन संयुक्त राष्ट्र संघको आर्थिक र सामाजिक परिषदसँग सामान्य परामर्श दाता एक गैरसरकारी संगठन हो । जसले अन्तर्राष्ट्रिय नेतृत्व सम्मेलन र थिंक ट्यांक २०२२ ग्लोबल फोरमको माध्यमाबाट दुवै कोरियाको पुनर्मिलनको विभिन्न आयामको बारेमा बहस चलाउँदै आएको छ । आठ वटा सत्रमा भएको सम्मेलनमा विभिन्न क्षेत्रका विषयगत बिज्ञहरूले आफ्नो धारणा राखेका छन् ।
