ओखलढुंगा– ओखलढुंगा चम्पादेवी गाउँपालिका–५ का स्थानीयले फेदिगुठ बजारदेखि वडा नं ५ को वडा कार्यालयसम्म पुग्ने मोटरबाटो श्रमदानमार्फत सडक मर्मत गरेका छन् । स्थानीय मनोज बुढाथाकीको नेतृत्वमा वर्षातका कारण अवरुद्ध करिब ५ किलोमिटर सडक दुई दिनलगाएर करिब ५० जनाभन्दा बढी स्थानीयह्रूको सहभागितामा श्रमदान गरेर मर्मत गरेका हुन् । यो सडक मर्मतसँगै वडा कार्यालय आवतजावात गर्न तथा स्वास्थ्य चौकी फेदीगुठ हुँदै जिल्ला सदरमुकाम र राजधानी काठमाडांै जाने वडा–५ का आत्मारा, बासबोटे र पुरानागाउँका स्थानीयह्रूलाई सहज भएको छ । आफूह्रूलाई कसैले सहयोग नगरेपछि आफूह्रूले नै मिलेर सडक मर्मत गरेको स्थानिय रामचन्द्र बुढाथोकीले बताए । सडक मर्मतका लागि स्रोत व्यवस्थापन गर्न नसकिरहेको अवस्थामा स्थानीयह्रूको प्रयासले सार्थकता पाएको वडा नं. ५ का वडा सदस्य प्रमेबहादुर थापाले बताएका छन् । उनका अनुसार स्थानीय आफैँले श्रम गर्ने जागरुकताले गाउँको विकासमा ऊर्जा थपिएको दाबी गरेका छन् । विकास निर्माण र सार्वजनिक काममा स्थानीय नागरिकह्रूको श्रमदान गर्ने प्रवृत्ति बढ्दै गरेको अवस्थामा यस किसिमको कामले सबैलाई उत्साहित बनाउने सरोकारवालाको दाबी रहेको छ ।
