काठमाडौं — कलाकारितामा नाम, दाम र चर्चा पाउनु भनेको फलामको चिउस चपाए जस्तै हो । भनिन्छ, जो कोहीका लागि यो सम्भव छैन । यो मामलामा लक्की साबित भएकी छन् साक्षी लम्साल । साक्षीले यो क्षेत्रमा दशक समेत बिताएकी छैनन् । नाम, दाम र चर्चा सवै भने पाउन सफल छिन् उनी ।
बिसं २०७३ बाट मोडलिङ हुँदै कलाकारितामा प्रवेश गरेकी साक्षी राम्रो पारिश्रमिक लिने कलाकारको सुचिमा पर्दछिन् । हाल ललितपुर भैसेपाटी निवासी उनको पुर्खेली घर भने नुवाकोट हो । कलाकारिता र अध्यायन सँगसँगै अगाडि बढाउदै आएकी उनको भ्वाइस आर्टिटको रूपमा एक प्रोजेटमा डब गरेर कलाकारिता सुरु गरेकी हुन् । त्यसपछि फोटो सुट हुँदै उनी टिभी, मोडलिङ, थिएटर र फिल्ममा समेत छाउन सफल रहिन् ।
मोडलिङको पहिलो पाइला उनले डिसहोमको बिज्ञापनबाट सुरु गरेकी हुन् । त्यसमा अभिनेत्री रीचा शर्मा लगायत चर्चित कलाकर्मी टिममा थिए । त्यसपछि एनसेल, गोल्डस्टार, अमृत तेल हुँदै उनले २० महत्वपुर्ण ब्राण्डको बिज्ञापन अभिनय गरिसकिन् । म्युजिक भिडियो भने पहिलो अभिनेता पल शाहसँग ‘सारा खुसी’ गीतको थियो । श्रेया सोताङ र अमित बिष्टको स्वर रहेको यो गीतको भिडियो जीवन थापाले निर्देशन गरेका थिए । यो गीतले उनलाई चर्चा र सफलता दुबै दिलायो । त्यसपछि एकपछि अर्काे गर्दै उनको अभिनय यात्रा अगाडि बढी रह्यो ।
भिडियो अभिनयको क्रममा रामकृष्ण बजगाइको निर्देशन रहेको फिल्म ‘स्वर्ग मेरो गाउँ’ उनको हात पर्यो । फिल्म अभिनयबाट उनले थप उचाही हासिल गरिन् । फिल्म अभिनयपछि उनलाई थिएटर अभिनयपनि गर्नुपर्छ भन्ने लाग्यो । उनले प्राइभेट वर्कसफ लिएर आरम्भ थिएरटबाट नाटक अभिनय सुरुवात गरिन् । आरम्भ थिएटरमा ‘सातुको कथा’ र आदीकवि भानुभक्तको जीवनमा आधारित एक नाटक गरेको उनले बताइन् ।
उनले अभिनय गरेको म्युजिक भिडियो डेढ दर्जन नाघेका छन् । यो सख्या तीन दर्जनबढी पनि हुन्थ्यो होला । तर, उनी चुजी भएकोले संख्या कमि भएको हो । ‘राम्रा र स्तरिय गीतको म्युजिक भिडियो मात्र मैले अभिनय गर्ने गरेको छु’ उनले भनिन् ।
उनले गायक रामकृष्ण ढकाल, शिव परियारसँग उनीहरूकै गीतमा मोडलिङ गरेकी छन्, भने चर्चित भिजे तथा मोडल नरेश भट्टराई, नेपाल आइडल अमित बराल, रीमा गुरुङ होडासँग अभिनय गरेको उनको गीतले पनि चर्चा पाएका छन् ।
कलाक्षेत्रका सुरुवातको समय उनका लागि त्यति सहज भने थिएन । यो क्षेत्रमा उनले चिनेका र सपोट गर्ने कोही थिएनन् । ‘प्रतिभा भयो भने गर्न सकिन्छ भन्ने विश्वास ममा थियो । त्यही बिश्वासका साथ संघर्ष गरिरहे’ उनले अगाडि थपिन् ‘परिवारको सपोटले पनि आट दिएको थियो ।’
संघर्षको क्रममा उनले २४ घन्टा समेत लगातार सुटिङ गरेकी छन् । त्यो क्रममा भोकै काम गरेको अनुभव पनि थुपै्र छ । जस्तै अवस्थामा कलाकारिताबाट कहिलै पिडा महशुस गरिनन् उनले । बरु आनन्द महसुस गरिन् । कारण खोलिन् ‘मनपरेको क्षेत्र भएर होला दुःख, दुःख जस्तो लागेन ।’ कामको नतिजा राम्रो आउँदा धेरै खुसी मिल्ने गरेको उनी सुनाउछिन् ।
नाटक, म्युजिक भिडियो, फिल्म, बिज्ञापन लगायत कलाकारिताको धेरै बिधामा क्रियासिल उनलाई अहिले बिज्ञापन र म्युजिक भिडियो सबैभन्दा सजिलो लाग्छ रे । ‘ बिज्ञापन चलचित्र र म्युजिक भिडियो छिट्टै सकिने र रिजल्ट पनि तुरुन्त पाइने भएको सजिलो लाग्छ’ उनले थपिन् ‘फिल्म र नाटक समय पनि लाग्छ र गाहे पनि छ ।’ आगामी दिनमा फिल्म अभिनयलाई समेत निरन्तरता दिने सोचमा रहेकी उनले ‘स्वर्ग मेरो गाउँ’पछि फिल्म अभिनय गरेकी छैनन् । यो भन्दैमा उनका हातमा फिल्मका अफर नपरेको भने होइन । थुप्रै अफर आएका थिए । ‘कोही निर्माण युनिट चित्त नबुझेनर, केही आफ्नो
भुमिका मननपरेर रिजेक्ट गरिदिए’ उनले भन्दै थिइन् ‘गलत फिल्म गरियो भने मिहिनेतले आर्जन गरेको नाम र चर्चा अनि करियर डुब्ने डर पनि थियो ।’
पछिल्लो समय कलाकारिताको राम्रो उचाहिमा रहेकी उनको सपना कलाकारितामा कामका हिसावले सबै चिनोस् भन्ने रहेको छ । केही अगाडि उनी आफ्नो जन्मदिन पारेर अनाथहरूको सहयोगका लागि एक आश्रम पुगेकी थिइन् । त्यहाँ सबै खालमा अनाथ बालबालिका थिए । सो क्रममा एक जान दृष्टिबिहिन भाइले उनलाई दिदी तपाई त ‘तिम्रो याद भुलाउन’ बोलको गीतमा अभिनय गर्ने मानिस होइन भनेर सोधे ।
झट् हेर्दा बलिउड अभिनेत्री श्रद्धा कपुर झै देखिने आकर्षक शरिरकी धानी उनको अभिनयको अलवा गीत गाउन समेत रुचि रहेको छ । मौका मिले गीत निकाल्ने सोच पनि छिन् । फेसनको नयाँ नयाँ ट्रेन फलो गर्ने उनी फेसनमा रुचि पनि राख्दछिन् । उनको मनपर्ने पहिरन वान पिस हो । ‘हट एण्ड बोल्ड र ब्युटिफुल समेत म वानपिस र फ्रकमा देखिन्छु’ बोल्दै गर्दा उनी लजाइन् ।
प्रायः सबै कलाकार आफुलाई मनपर्ने बताउने उनको फिल्म ‘पशुपति प्रसाद’ अभिनेता खगेन्द्र लामिछानेसँग स्क्रिन शेयर गर्ने रहर छ’ । सबैसँग सजिलै घुलमिल हुनसक्ने उनी भेजिटेरियन हुन् ।
करियर र भबिश्य उज्वल बनाउन कसरत उनी अहिलेसम्म प्रेमको बिषयमा सोच्न नभ्याएको बताउँछिन् । बलिउड अभिनेत्री श्रद्धा कपुरलाई प्रेरणाको श्रोत मान्ने उनले केही टेलिभिजन कार्यक्रम समेत चलाएकी थिइन् । अभिनय रोजेपछि भने जीवनमा पछि फर्किएर हेर्नु नपरेको उनी बताउँछिन् ।
