काठमाडौं– नाजिर र मुकुनको ‘लभ सर्कल’ टिभीमा रिलिज हुने भएको छ । वसन्त निरौलाको निर्देशनमा तयार भएको सो चलचित्रलाई टेलिभिजनबाट रिलिज गरिने भएको हा ।
निर्देशक निरौलाले गतबर्षको लकडाउनमा यो चलचित्र खिचेका थिए । अब, यो चलचित्रलाई डिस होममार्फत रिलिज गरिने कार्यक्रम छ । साउन २९ गते डिस होमबाट चलचित्र रिलिज गर्ने जानकारी दिँदै यसको निर्माणपक्षले फस्टलुक सार्वजनिक गरेको छ । यो चलचित्रको पोस्टरमा कलाकारहरू नाजिर हुसेन, मुकुन भुषाल, पवित्रा आचार्य, रविन्द्र झा, रिस्ता बस्नेत, सुमन कोइरालालाई समावेश गरिएको छ ।
चलचित्र क्षेत्रलाई चलायमान बनाउन डिजिटल माध्यमबाट चलचित्र रिलिज गर्न लागेको निर्देशक निरौलाको तर्क छ । यो चलचित्रले कमेडी र सस्पेन्स थ्रिलर कथालाई बोकेको निर्देशकले जानकारी दिए । मी टिभीको प्रस्तुतिमा तयार भएको चलचित्रमा ओमप्रकाश अग्रवाल र रोनश पौडेलको लगानी छ । चलचित्रमा अंकित बाबु अधिकारीको संगीत, अभिमन्यू निरवीको लेखन, दिव्य सुवेदीको छायांकन, पवित्रा आचार्यको कोरियोग्राफी, साहिल खान र मिलन श्रेष्ठको सम्पादन छ ।
