काठमाडौं– श्रम, रोजगार तथा सामाजिक सुरक्षा मन्त्रालयले ३ सय ३६ जनाले नयाँ श्रम स्विकृति लिएको जनाएको छ ।
सोमबार प्रभाव दैनिकसँगको कुराकानीमा १५ भदौसम्म ३ सय ३६ जनाले नयाँ श्रम स्विकृति लिएको मन्त्रालयका प्रवक्ता भरतमणि पाण्डेले बताए ।
उनका अनुसार ८ भदौसम्म १ सय ९४ र ८ भदौदेखि १५ सम्म १ सय ४२ गरी ३ सय ३६ जनाले श्रम स्विकृति लिएका छन् ।
केही समयअघि मन्त्रिपरिषद्को बैठकले नयाँ श्रम स्विकृति (व्यक्तिगत तथा संस्थागत) तर्फ श्रम स्विकृति दिने निर्णय गरेसँगै साप्ताहिक प्रगति विवरण जारी गरेर उक्त विवरण मन्त्रालयले सार्वजनिक गर्दै आएको उनले बताए ।
१८ असारदेखि दिन थालिएको पुनः श्रम स्किृतितर्फ ६ हजार ७ सय ७६ जनाले श्रम स्विकृति लिएको प्रवक्ता पाण्डेले बताएका छन् ।
उनका अनुसार ८ भदौसम्म ५ हजार ३ सय २३ र ८ भदौदेखि १५ सम्म १ हजार ४ सय ५३ जनाले पुनः श्रम स्विकृति लिएका हुन् ।
वैधानिकीकरण श्रम स्विकृतितर्फ हालसम्म ३ सय ३६ जनाले श्रम स्विकृति लिएको सार्वजनिक साप्ताहिक विवरणमा उल्लेख गरिएको उनले बताएका छन् ।
८ भदौसम्म २ सय ८३ र ८ भदौदेखि १५ सम्म ४८ जनाले वैधानिकीकरणतर्फ श्रम स्विकृति लिएको उनले बताए ।
साथै, गैरनेपाली नागरिकको नयाँ श्रम स्विकृतितर्फ २ सय ४३ जनाले र श्रम स्विकृति नवीकरणतर्फ ४ सय ५५ जनाले लिएको विवरणमा उल्लेख गरिएको उनले बताए ।
मन्त्रालयबाट सार्वजनिक साप्ताहिक विवरणमा कोभिड–१९ का कारण समस्यामा परेका वैदेशिक रोजगारीबाट ७८ हजार २ सय ४५ जना श्रमिकको उद्धार गरिएको जनाइएको छ ।
८ भदौसम्म ६७ हजार ३ सय ७९ र ८ भदौदेखि १५ सम्म १० हजार ८ सय ६६ जना श्रमिकको उद्धार गरिएको साप्ताहिकमा विवरणमा उल्लेख छ ।
यस्तै, कोभिड–१९ का कारण समस्यामा परेका वैदेशिक रोजगारीबाट १ लाख ४२ हजार ८ सय ७ जनाले फर्कनका लागि निवेदन दिएको सार्वजनिक विवरणमा उल्लेख गरिएको छ ।
यसतर्फ ८ भदौसम्म १ लाख ३९ हजार ६ सय ७४ र ८ भदौदेखि १५ सम्म ३ हजार १ सय ३३ जनाले फर्कनका लागि निवेदन दिएको साप्ताहिक विवरणमा उल्लेख गरिएको छ ।
वैदेशिक रोजगारीमा मृत्यु भएका परिवारतर्फ ८ भदौसम्म १ सय १६ जनालाई ७ करोड ६४ लाख १० हजार र ८ भदौदेखि १५ सम्म २ जनालाई १० लाख ३५ हजार रूपैयाँ उपलब्ध गरिएको साप्ताहिक विवरणमा उल्लेख गरिएको छ ।
यस्तै, वैदेशिक रोजगारीमा अशक्त भएकातर्फ १९ जनालाई ८१ लाख ९५ हजार रूपैयाँ उपलब्ध गरिएको विवरणमा उल्लेख छ ।
वैदेशिक रोजगारीका क्रममा मृत्यु भएका कामदारको शव व्यवस्थापन १ सय ६६ घर परिवारलाई १८ लाख २० हजार रूपैयाँ उपलब्ध गरिएको र बाँकी ६ घर परिवारलाई केही दिनपश्चात उपलब्ध गरिने प्रवक्ता पाण्डेले बताएका छन् ।
-1752335779.jpg)
