काठमाडौँ- धितोपत्र बजारमा सेयर कारोबार मापक नेप्से परिसूचक बुधबार सामान्य अंकले घटेको छ।
नेपाल स्टक एक्सचेञ्जका अनुसार नेप्से परिसूचक ४.८२ अंकले घटेर दुई हजार ५९८.८९ मा पुगेको छ। ठूला कम्पनीको कारोबार मापन गर्ने सेन्सेटिभ परिसूचक २.०२ अंकले घटेर ४६४.६३ मा पुगेको छ।
त्यसैगरी, फ्लोट सूचक ०.४३ अंकले घटेर १७९.०२ मा पुगेको छ। सेन्सेटिभ फ्लोट सूचक ०.६५ अंकले घटेर १५६.७८ मा पुगेको छ।
बुधबार विभिन्न कम्पनीका एक करोड २६ लाख ५५ हजार ३७४ कित्ता सेयर रु चार अर्ब ७६ करोड ५१ लाख २७ हजार ८८५ मूल्यमा खरिद बिक्री भएका छन्। १३ उपसमूहमध्ये तीन उपसमूह बढ्यो भने १० उपसमूह घट्यो।
यस दिन १०९ कम्पनीको सेयर बढ्यो भने १५७ कम्पनीको सेयर घट्यो। त्यसैगरी १३ कम्पनीको सेयर स्थिर रह्यो।
नेप्सेकाअनुसार सिन्धु विकास बैंक, सयपत्री हाइड्रोपावर, घलेम्दी हाइड्रोपावरलगायत लगानीकर्ताले कमाएका छन्।
त्यसैगरी सानिमा ग्रोथ फण्ड, चिर्खवा हाइड्रोपावर, सोपन फर्मासिट्रिकल्सलगायतका लगानीकर्ताले गुमाएका छन्।
![सिण्डिकेटधारीविरुद्ध व्यवसायीको आक्रोशः २५ व्यवसायीको तस्बिरमा जुत्ता प्रहार [भिडियो]](https://www.prabhabonline.com/uploads/posts/200X200/jutta-prahar-bairo-1789318338.jpg)