काठमाडौं– नेपालका लागि यामाहा दुईपांग्रे सवारीसाधनको आधिकारिक वितरक एमएडब्लु राइड्स प्रालिले ‘यामाहा ब्लु फेस्टः नेपालकै सबैभन्दा ठूलो एक्सचेञ्ज मेला’ आयोजना गरेको छ। काठमाडौंको भृकुटीमण्डपमा असोज ५ देखि सुरु भएको मेला असोज १० गतेसम्म चल्नेछ।
मेलाको मुख्य आकर्षणका रूपमा असोज ७ गते यामाहा एक्सएसआर १५५ को नयाँ ‘ब्लु’कलर भेरियन्ट औपचारिकरूपमा सार्वजनिक गरिएको थियो।
हालै सम्पन्न नाडा अटो शोमा यस मोटरसाइकलको सफल डेब्युपछि, एक्सएसआर परिवारमा अझ धेरै राइडरहरूलाई स्वागत गर्नका लागि यो नयाँ ब्लु संस्करण सार्वजनिक गरिएको हो। उक्त भेरियन्टलाई पाँच लाख ३४ हजार ९०० रुपैयाँबाट सुरु हुने गरी थप सुलभ विकल्पका रूपमा प्रस्तुत गरिएको कम्पनीले जनाएको छ।
नाडा अटो शोमा छ दिनमै ४२८ युनिट बुकिङ हासिल गरेर बलियो बजार पकड बनाएको एक्सएसआर १५५ प्रति चाडपर्वको समयमापनिग्राहकहरूको आकर्षण निरन्तर बढिरहेको कम्पनीको दाबी छ। ‘बिल्ट अन लेगेसी, ड्रिभन बाई पर्फर्मेन्स’ को दर्शनमा आधारित यस मोटरसाइकलले आकर्षक नियो–रेट्रो लुक्स, आफ्नै छुट्टै पहिचान र आधुनिक पर्फर्मेन्सलाई एकसाथ समेटेको छ।
‘नाडामा एक्सएसआर १५५ को सुरुवातमा प्राप्त प्रतिक्रिया निकै उत्साहजनक रह्यो, जहाँ छ दिनमै ४२८ युनिट बुकिङ दर्ता भयो। चाडपर्वको मौसम सुरु भएसँगै ग्राहकहरूको रुचि निरन्तर बढ्दै गएको छ र थप कलर विकल्पहरूको माग पनि निरन्तर आइरहेको छ,’ कार्यक्रमलाई सम्बोधन गर्दै एमएडब्लु ग्रुपका अध्यक्ष विष्णुकुमार अग्रवालले भने, ‘ग्राहकहरूको यही माग पूरा गर्न र यो मोटरसाइकललाई अझ धेरै राइडरहरूको पहुँचमा पुर्याउन हामीले नयाँ ब्लु कलर उपलब्ध गराएका छौं।’ आगामी दिनमा नेपालमा थप कलर विकल्पहरू ल्याउन उत्सुक रहेको पनि उनले बताए।
भृकुटीमण्डपमा जारी एक्सचेन्ज मेलाअसोज १० गतेसम्म सञ्चालन हुने भएकाले यामाहाले सम्पूर्ण राइडर तथा ग्राहकहरूलाई मेलामा उपस्थितभई भर्खरै सार्वजनिक गरिएको नयाँ ब्लु एक्सएसआर १५५ अवलोकन र टेस्ट राइड गर्न आमन्त्रण गरेको छ।
![सिण्डिकेटधारीविरुद्ध व्यवसायीको आक्रोशः २५ व्यवसायीको तस्बिरमा जुत्ता प्रहार [भिडियो]](https://www.prabhabonline.com/uploads/posts/200X200/jutta-prahar-bairo-1789318338.jpg)