डोटी– डोटीमा मोटरसाइकल चोर्दै गरेको अबस्थामा दुई जना पक्राउ परेको प्रहरीले जनाएको छ । इलाका प्रहरी कार्यालय दिपायलका सई रमेशबहादुर शाहीका अनुसार जिल्लाको पिपल्ला बजारमा बुधबार राति पार्किङ गरेर राखिएको प्रकाश चन्दको से ७ प १४६१ नम्बरको मोटरसाइकल चोर्दै गर्दा उनीहरु पक्राउ परेका हुन् ।
पक्राउ पर्नेमा दिपायल सिलगढी नगरपालिका–९ मल्लो कलेना बस्ने वर्ष २२ का दानी विक र सोही ठाँउका वर्ष १५ का अर्बिन साउद छन् । अर्बिन साउद यो भन्दा पहिले पनि मोटरसाइकल चोरीमा संलग्न रहेको सई शाहीले बताएका छन् । बुधबार राति करिब १० बजेको समयमा मोटरसाइकलको तार काटेर चोर्न लागेको अवस्थामा स्थानीयले देखेपछि प्रहरीलाई खबर गरेका थिए ।
-1745656903.jpeg)