काठमाडौं - युनाइटेड अजोड इन्स्योरेन्स लिमिटेडको ३२औँ वार्षिक साधारणसभा बुधबार काठमाडौंको भाटभटेनीस्थित अम्रपाली ब्याङ्क्वेटमा सम्पन्न भएको छ। सभाले आर्थिक वर्ष २०८१/८२ को वार्षिक प्रतिवेदन, लेखापरीक्षण प्रतिवेदन, वित्तीय विवरण तथा सञ्चालक समितिले पेश गरेका सबै साधारण र विशेष प्रस्ताव सर्वसम्मत रूपमा पारित गरेको कम्पनीले जनाएको हाे ।
साधारणसभाले आर्थिक वर्ष २०८१/८२ को वितरणयोग्य मुनाफाबाट चुक्ता पुँजीको ४.२८५७ प्रतिशत बोनस सेयर तथा बोनस सेयरमा लाग्ने कर प्रयोजनका लागि ०.२२५६ प्रतिशत नगद लाभांश वितरण गर्ने प्रस्ताव पनि अनुमोदन गरेको छ। बोनस सेयर वितरणपछि कम्पनीको चुक्ता पुँजी २ अर्ब ६४ करोड रुपैयाँ पुग्नेछ।
कम्पनीका अनुसार २०८३ जेठ मसान्तसम्म प्रधान कार्यालय, प्रादेशिक कार्यालय, शाखा, उपशाखा तथा तेस्रो पक्ष बीमा काउन्टरमार्फत १०४ स्थानबाट बीमा सेवा प्रदान भइरहेको छ। कम्पनीले आगामी आर्थिक वर्ष २०८३/८४ मा पनि सेयरधनीलाई अपेक्षित प्रतिफल प्रदान गर्दै व्यवसाय विस्तार र संस्थागत लक्ष्य हासिल गर्न प्रतिबद्ध रहेको जनाएको छ।
