काठमाडाैं - मुक्तिनाथ विकास बैंकले हजाराैँ विद्यार्थीहरुलाई शैक्षिक सामाग्री वितरण गरेकाे छ । मुक्तिनाथ विकास बैंकले आफ्नो संस्थागत सामाजिक उत्तरदायित्वअन्तर्गत शिक्षाको प्रवद्र्धन गर्न र बालबालिकाको शैक्षिक पहुँच विस्तार गर्ने उद्देश्यले विभिन्न प्रदेशका सरकारी विद्यालयहरुका विद्यार्थीहरुलाई शैक्षिक सामाग्री वितरण गरेकाे हाे ।
शैक्षिक सामाग्रीमा विद्यालय पोसाक, स्कूल झोलाहरु, स्टेशनरी सामाग्री, एक शैक्षिक वर्षको अध्ययन खर्च, विभिन्न शैक्षिक सामाग्री/उपकरण तथा खेलकुद सामाग्रीहरु बैंकले हस्तानतरण गरेको हाे ।
सरकारी विद्यालयहरुलाई प्राथमिकतामा राख्दै बैंकले मोरङको विराटनगरमा ७८ विद्यार्थीहरुलाई शैक्षिक पोसाक, महोत्तरीको बर्दिबासकमा १२८ जनालाई स्टेशनरी सामाग्री, अर्घाखाँचीको सन्धिखर्कमा २५ जना अपाङ्गता भएका बालबालिकालाई स्कूल झाेला तथा स्टेशनरी सामाग्री, डडेलधुराको खिन्नेभाडीमा १५० विद्यार्थीहरुलाई स्टेशनरी सामाग्री वितरण गरेको छ ।
रुपन्देहीको बुटवलमा २१ ,उदयपूरको बागचौरीमा ५०, झापाको कचनकवलमा २०० , नवलपरासीको बर्दघाटमा ८५, सर्लाहीको राजघाटमा २०० र कञ्चनपूरको तिलकपुरमा ११० बालबालिकालाई स्कूल झाेला तथा स्टेशनरी सामाग्री प्रत्यक्ष रुपमा बैंकले वितरण गरेको छ ।
यसै क्रममा बैंकले सामाजिक संस्था “अस्तित्व नेपाल”सँगको सहकार्यमा आगोबाट प्रभावित तथा कमजोर आर्थिक अवस्थाका ६ जना बालबालिकाको एक शैक्षिक वर्षको अध्ययन खर्चसमेत सहयोग गरेको छ । बैंकले वीरेन्द्रनगर —८ , सुर्खेतस्थित श्री नेपाल राष्ट्रिय माध्यमिक विद्यालय खजुरामा १ थान डिजिटल स्मार्ट बोर्ड, देवदह–१०, चरङ्गे, रुपन्देहीमा ४ थान सिलिङ पंखा र बर्दिवास–३ महोत्तरी स्थित राष्ट्रिय आधरभूत विद्यालय एवमं बुटवल–७, रुपन्देही स्थित सिद्धेश्वरलाल कुमारी माध्यमिक विद्यालयलाई खेलकुद सामाग्रीहरु हस्तानतरण गरेको छ ।
यस सहयोगले आर्थिक रूपमा कमजोर तथा आवश्यक शैक्षिक सामग्रीको अभाव झेलिरहेका विद्यार्थीहरूको अध्ययनलाई सहज बनाउन महत्वपूर्ण योगदान पुर्याउने बैंकले विश्वास लिएको छ। विद्यार्थीहरूको शैक्षिक यात्रालाई सहज र उत्साहजनक बनाउन गरिएको उक्त सहयोगले स्थानीय विद्यालय तथा अभिभावकहरूमा सकारात्मक प्रभाव पार्ने विश्वास बैंकले लिएको छ । बैंकले शिक्षा सामाजिक तथा आर्थिक रूपान्तरणको प्रमुख आधार भएको उल्लेख गर्दै यस्ता कार्यक्रमलाई आगामी दिनमा पनि निरन्तरता दिने जनाएको छ।
