एजेन्सी - आर्टिफिसियल इन्टेलिजेन्स कम्पनी ओपन एआइ( OpenAI )र यसको प्रमुख कार्यकारी अधिकृत साम अल्टमेन (Sam Altman) विरुद्ध अमेरिकाको क्यालिफोर्निया राज्यस्थित सान फ्रान्सिस्को अदालतमा मुद्दा दायर भएको छ। क्यानडाकी क्रिस्टी क्यारियर नामक महिलाले आफ्नी २४ वर्षीया छोरी एलिस क्यारियरको आत्महत्यामा च्याटजीपीटीको भूमिका रहेको दाबी गर्दै जुन ११, २०२६ मा मुद्दा दर्ता गराएकी हुन्।
मुद्दामा एलिसले आत्महत्यासम्बन्धी विचारहरू पटक–पटक च्याटजीपीटीसँग साझा गर्दा प्रणालीले आवश्यक सुरक्षा हस्तक्षेप नगरेको तथा उल्टै उनका विचारलाई समर्थन गरेको आरोप लगाइएको छ।
ओपनएआईले घटनाप्रति दुःख व्यक्त गर्दै उक्त संवाद पुरानो संस्करणको च्याटजीपीटीमा भएको र हाल सुरक्षा प्रणालीहरूमा थप सुधार गरिएको जनाएको छ। कम्पनीले मानसिक स्वास्थ्य विशेषज्ञहरूसँग सहकार्य गर्दै जोखिमपूर्ण अवस्थाका प्रयोगकर्तालाई सुरक्षित सहयोग उपलब्ध गराउने उपायहरू सुदृढ बनाइरहेको बताएको छ।
