तेलअवीव- इजरायली रक्षामन्त्री इजरायल काट्जले युद्धविरामको बावजुत इजरायली सेजनाले लेबनानमा हेजबुल्लाह विरुद्ध सैन्य कारबाही जारी राख्ने उल्लेख गर्दै र इजरायली क्षेत्रमा कुनै आक्रमण गरेमा बेरुतमा आक्रमण गर्ने चेतावनी दिएको टाइम्स अफ इजरायलले जनाएको छ ।
टाइम्स अफ इजरायलका अनुसार काट्जले पछिल्लो क्षेत्रीय तनाव बीच जारी इरानी चेतावनीलाई पनि अस्वीकार गरेका छन् । इजरायलले इरानको धम्कीलाई अस्वीकार गरेको जनाँउदै इजरायलमाथि आक्रमण गर्ने प्रयास गरेमा कडा प्रतिक्रीयाको सामना गर्नुपर्ने काट्जले बताएका छन् ।
यसैबीच, इजरायली प्रधानमन्त्री बेन्जामिन नेतान्याहूले इजरायलले इरानमा आफ्नो आक्रमण रोकेको बताए। इजरायल र इरानले एक अर्का माथि आक्रमण गरे पछि सार्वजनिक टिप्पणी गर्दै नेतान्याहूले तेहरानले इजरायली क्षेत्रम आक्रमणहरू बन्द गरे पछि लडाइँ रोकिएको बताए।
तस्निम समाचार एजेन्सीका अनुसार इरानी सेनाले लेबनानको समर्थन र इजरायली सैन्य कारबाहीको जवाफमा आक्रमण गरेको बताएको छ । इरानीे सशस्त्र बलले लेबनानका जनताको समर्थनमा इजरायललाई प्रतिक्रिया दिएको इरानी सेनाले विज्ञप्ति जारी गर्द जनाएको छ ।
यद्यपि तेहरानले इजरायलले आफ्नो कारबाही जारी राख्यो भने सैन्य कारबाही पुनः सुरु गर्ने तयारी भएको जनाएको छ । विज्ञप्तिमा लेबनानमा, इजरायली सेना हेजबुल्लाहका स्थानहरू विरुद्ध सक्रिय रहेको उल्लेख गर्दै यदि आक्रमण जारी रहेमा पहिले भन्दा कडा र दमनकारी उपायहरू अगाडि आउने बताइएको छ ।
इरानी राष्ट्रपति मसूद पेजेस्कियनले तेहरान आफ्नो राष्ट्रिय हितको रक्षा गर्न र कूटनीतिक संलग्नता दुवैमा प्रतिबद्ध रहेको जोड दिँदै खतराको सामना गर्न पछि नहट्ने र वार्ताको लागि ढोका खुला राख्ने बताउनु भएको छ । सामाजिक सञ्जाल एक्समा इरानी राष्ट्रपतिले सैन्य तयारी र कूटनीति राष्ट्रिय शक्तिको पूरक स्तम्भ भएको कुरामा जोड दिँदै तेहरानले गरेको सुझावलाई अस्वीकार गरे । उनले कूटनीति र रक्षा राष्ट्रिय शक्तिका दुई अङ्ग भएको उल्लेख गर्दै मैदान र वार्ताको दुवैलाई आत्मसाथ गरेको बताएका छन् ।
यसैबीच, अमेरिकी राष्ट्रपति डोनाल्ड ट्रम्पले तेल अवीवले तेहरानमा आक्रमण गरेपछि दुई पक्ष बीच तीव्र आक्रमण र प्रतिआक्रमण सहितको शत्रुता बढेपछि इरान र इजरायलमा “तत्काल युद्धविराम“ लागू गर्न खोजिरेहेको बताइएको छ ।द्वन्द्वको पूर्ण समाधानका लागि शान्ति सम्झौतामा अन्तिम चरणको वार्ता भइरहेको ट्रम्पले बताएका छन् । उनले सम्झौता दु्रत गतिमा अघि बढिरहेको उल्लेख गर्दै सम्झौता नभए सम्म इरान माथि वासिङ्टनको अवरोध जारी रहने उल्लेख गरेका छन् ।
