काठमाडौं - मिड–साइज मोटरसाइकल सेग्मेन्टमा विश्वव्यापी अग्रणी रोयल इनफिल्डले नेपालमा २०२६ एडिसन गोवन क्लासिक ३५० सार्वजनिक गरेको छ। नयाँ सुविधासहित बजारमा एडिसन गोवन क्लासिक ३५० ल्याइएको रोयल इनफिल्ड कम्पनीले जनाएको हाे।
बोबर–इन्स्पायर्ड डिजाइनमा आएको यो मोटरसाइकल स्वतन्त्र र मुक्त जीवनशैलीलाई प्रतिनिधित्व गर्ने शैलीसँगै राइडर–केन्द्रित रहेकाे जनाइएकाे छ ।
नयाँ मोडलमा ३४९ सीसी Air-oil cooled single-cylinder engine जडान गरिएको छ, जसले ६,१०० rpm मा २०.२ bhp power र ४,००० rpm मा २७ Nm torque उत्पादन गर्छ। कम्पनीका अनुसार यो इन्जिनलाई Laid-back bobber style अनुरूप स्मूथ र आरामदायी राइडिङ अनुभव दिन विशेष रूपमा ट्युन गरिएको छ।
यसको ५–स्पिड गियरबक्सले सहरको भीडभाड देखि खुला राजमार्गसम्म सहज गियर परिवर्तन र आरामदायी यात्राको अनुभव सुनिश्चित गर्छ । मोटरसाइकलमा नयाँ assist-and-slipper clutch, अपग्रेड गरिएको USB Type-C charging port तथा डाउनशिफ्टमा राम्रो नियन्त्रण दिने प्रणाली समावेश गरिएको छ। यसले राइडरलाई थप सहज, सुरक्षित र आरामदायी अनुभव दिने कम्पनीको दाबी छ।
डिजाइनतर्फ यसले आफ्नो signature single-seat bobber styling कायम राखेको छ। Floating rider seat, whitewall edge-type aluminum tubeless spoke wheels, chopper-style fenders, slash-cut exhaust र mid-ape handlebars ले यसलाई bold custom culture झल्काउने premium look दिएका छन्।
लन्चका अवसरमा अल्फा अटोमोटिभ प्रा.लि. का निर्देशक मेघराज पौडेलले नेपालका राइडरहरू माझ यो मोडलले विशेष आकर्षण पाउने विश्वास व्यक्त गरे। उहाँका अनुसार गोवन क्लासिक ३५० ले स्वतन्त्र जीवनशैली रुचाउने राइडरहरूका लागि ब्रान्डको लाइन अपमा फरक पहिचान बनाउनेछ। यो मोडल नेपालभरिका सबै आधिकारिक रोयल इनफिल्डको शो रुमहरुमा उपलब्ध हुनेछ।
मूल्य (एक्स–शोरुम)
• Shack Black & Purple Haze — रु ५ लाख ९८ हजार
• Trip Teal & Rave Red — रु ६ लाख २ हजार
सन् १९०१ देखि निरन्तर उत्पादनमा रहेको रोयल इनफिल्ड संसारकै सबैभन्दा पुराना मोटरसाइकल ब्रान्डमध्ये एक हो। ब्रिटिश विरासतबाट सुरु भएको यो ब्रान्डले भारतको मिड–साइज दुईपांग्रे सवारी सेग्मेन्ट को विकासमा अग्रणी भूमिका खेलेको छ।
ब्रान्डको ‘Pure Motorcycling’ दर्शनअनुसार कम्पनीले Hunter 350, Classic 350, Himalayan 450, Meteor 350, Interceptor 650 लगायतका प्रिमियम मोडलहरू उत्पादन गर्दै आएको छ। हालसालै कम्पनीले शहरी गतिशीलताका लागि नयाँ इलेक्ट्रिक मोबिलिटी ब्रान्ड ‘Flying Flea’ समेत सार्वजनिक गरेको छ।Eicher Motors Limited अन्तर्गत सञ्चालित रोयल इनफिल्डका भारत भर २ हजारभन्दा बढी स्टोर तथा विश्वका ८० भन्दा बढी देशमा उपस्थिति रहेको छ। नेपाल सहित विभिन्न देशमा कम्पनीका CKD assembly facilities सञ्चालनमा छन्।
![सिण्डिकेटधारीविरुद्ध व्यवसायीको आक्रोशः २५ व्यवसायीको तस्बिरमा जुत्ता प्रहार [भिडियो]](https://www.prabhabonline.com/uploads/posts/200X200/jutta-prahar-bairo-1789318338.jpg)