काठमाडाैं - मन्त्रिपरिषद् विस्तार गर्ने पुरानो अभ्यास अन्त्य गर्ने तयारी भावी प्रधानमन्त्री बालेन्द्र साहले गरेका छन् । नयाँ सरकार गठनसँगै चरणबद्ध रूपमा उनले शपथकै दिन पूर्ण मन्त्रिपरिषद् गठन गर्ने गृहकार्य अघि बढाएका हुन् ।
करिब दुई तिहाइ समर्थनसहित सत्तामा पुग्न लागेका साहले सानो र छरितो मन्त्रिपरिषद् बनाउने लक्ष्य राखेका छन् । मन्त्रालय संख्या घटाएर हालका २२ बाट करिब १५ देखि १८ मा झार्ने तयारी भइरहेको छ। उनको चाहना १२ वटासम्म सीमित गर्ने थियो । यसबारे टीमभित्र छलफल जारी छ । जबकि संविधानले २५ जनासम्मको व्यवस्था गरेको छ । अ
र्थमन्त्रीमा डा. स्वर्णिम वाग्ले र परराष्ट्रमन्त्रीमा शिशिर खनाल लगभग निश्चित भइसकेका छन् भने अन्य नाममा अन्तिम टुंगो लाग्न बाँकी छ । मन्त्री छनोटमा क्षमता, दक्षता र नैतिकतालाई प्राथमिकता दिने नीति लिइएको छ ।स्रोतका अनुसार भागबन्डाभन्दा योग्यताका आधारमा मन्त्री चयन गर्ने सहमति रास्वपा नेतृत्वसँग बनेको छ ।
प्रत्यक्ष निर्वाचितलाई प्राथमिकता दिने भए पनि समानुपातिकतर्फका सांसदलाई वञ्चित नगर्ने स्पष्ट पारिएको छ । मन्त्री बन्ने दौडधुप र लबिङलाई पार्टीले रोक लगाएको छ । नेतृत्वले ‘मिडिया ट्रायल’ नगर्न निर्देशन दिएपछि यस्तो बताइएको छ ।प्रधानमन्त्री साहको शपथ १३ चैतमा तय भएको छ ।
