हेग- फिलिपिन्सका पूर्व राष्ट्रपति रोड्रिगो डुतेर्तेले अन्तर्राष्ट्रिय फोजदारी अदालतमा आफू निर्दोष रहेको सशक्त दाबी प्रस्तुत गर्नुभएको उनका निजी वकिल निकोलस काउफम्यानले सोमबार बताएका छन् ।
अदालतमा उपस्थित नभएका डुतेर्तेका वकिल काउफम्यानले भने, “उहाँ आफ्नो विरासतको पक्षमा दृढताका साथ उभिइरहनुभएको छ । उले आफ्नो निर्दोषता पूर्ण रूपमा पुष्टि गर्नुभएको छ ।” काउफम्यानले भने, “उहाँको सेवाग्राहीका लागि त्यो ‘एक अद्वितीय’ घटना थियो । उनले ‘आफ्नो योजनामा धेरै उत्साहित र समर्पित’ हुनुहुन्थ्यो तर उहाँविरूद्धको मुद्दा ‘अतिशयोक्ति, चर्को आलोचना र आलङ्कारिक’ बयानबाजी ले भरिएको छ।”
यद्यपि डुतेर्र्तेमाथि उनको भाषणका मुख्य बुँदाहरू संकलन गरी आरोप लगाइए पनि तिनीहरूमध्ये धेरैले कानूनी निष्ठामा अडिग रहने महत्त्वबारे जोड दिएको उनले बताए । “पूर्वराष्ट्रपति डुतेर्तेको भाषणमा ’घातक मनसाय’ थिएन तर अपराधीहरूको ‘हृदयमा डर पैदा गर्ने’ उद्देश्य थियो,” काउफम्यानले भने ।
काउफम्यानले आईसीसीका न्यायाधीशहरूलाई डुतेर्तेविरुद्धको प्रमाण ‘पूर्ण रूपमा अपर्याप्त’ भएको र ती आरोपहरू ‘गम्भीर रूपमा गलत र राजनीतिक रूपमा प्रेरित’ भएको बताएका छन् । प्रारम्भिक सुनुवाइ ‘आरोपहरूको पुष्टि’ र कार्यवाहीको आधार हो, जसलाई पछि न्यायाधीशहरूले पूर्ण सुनुवाइमा अगाडि बढ्ने कि नबढ्ने भनेर विचार गर्नेछन्। यो निर्णयमा ६० दिनसम्म लाग्नेछ ।
