काबुल- अफगानिस्तानको दक्षिणी कान्दाहार प्रान्तमा विगत पाँच महिनाको अवधिमा २७ टनभन्दा बढी लागुऔषध नष्ट गरिएको अधिकारीहरूले बुधबार बताएका छन् ।
प्रान्तीय प्रहरीका प्रवक्ता मुल्ला असदुल्लाह जमसिदका अनुसार जफत गरिएका लागुऔषधहरूमा दुई हजार ७६६ किलोग्राम अफिम, नौ हजार ६६४ किलोग्राम मेथाम्फेटामाइन, ९९३ किलोग्राम गाँजा, एक किलो हेरोइन र अन्य अवैध लागूपदार्थमा प्रयोग हुने सय किलोग्राम कच्चा पदार्थ रहेका छन् ।
वरिष्ठ प्रान्तीय विभागहरूको प्रतिनिधित्व गर्ने समितिको सुपरिवेक्षणमा अर्घान्दब जिल्लाको तोरा क्षेत्रमा विनाश भएको थियो।यसअघि प्रान्तको ‘एन्टी नार्कोटिक्स युनिट’ले सोही निर्देशनमा थप ४७ हजार किलोग्राम विभिन्न लागुऔषध नष्ट गरेको थियो ।
