शक्ति पछाडि सबै जना दर्गुछन् भने जस्तै अहिले अमेरिकाको पछाडि सबै कुदिरहेका छन् । नकुदुन् पनि किन ऊ सँगै सबै थोक छ । प्रजातन्त्र र मानवअधिकारको ठूलो कुरा गर्ने अमेरिका आफ्नो साम्राज्य फैलाउन कमजोर राष्ट्रमाथि सामन्त जस्तै बनिरहेको छ ।
कहिले युक्रेनलाई उचालेर रुससँग लडाउँछ । कहिले भेनेजुएला, क्युबा, मेक्सिको, कोलम्बिया, पानामा लगायतका देशलाई आफ्नो मु्ठ्ठीमा पार्न खोज्छ । आफूलाई सँधै शक्तिशाली राष्ट्र बनाउनका लागि आफ्नो देशभन्दा बाहिर उसलै कहि पनि प्रजातन्त्र देख्दैन । अरु देशमा मानवअधिकार नै छैन भन्ने सन्देश प्रवाह गरिरहेको हुन्छ ।
केही साता अघिदेखि अमेरिकाले छिमेकी देश भेनेजुएलाका राष्ट्रपतिको मूल्य तोक्नुले उसले मानव अधिकारको रक्षा कति गरिरहेको छ भन्ने कुराको पनि पुष्टि गरिदिएको छ । वरपरका प्राकृतिक रुपमा बलिया र धनी देशहरुलाई आफू अनुकूल चलेनन् भने एउटा न एउटा बहानामा लडाईदिने काम गर्दै आइरहेको आरोप पनि लागेको छ । पछिल्लो समय भेनेजुएलामाथि जुन किसिमको त्रास अमेरिकाका राष्ट्रपतिले देखाइरहेका छन् । त्यसले मानव अधिकार र न्यायका लागि अरुलाई एकजुट बन भन्ने सन्देश पनि दिइरहेको छ । अमेरिकाको साम्राज्यवादलाई साना राष्ट्रहरु क्रमश एक भए भने के होला ?
रुस र युक्रेनको युद्धले युक्रेनलाई निकै नै क्षति तुल्याएको छ । अमेरिकाको भरोसा रुससँग लडिरहेको युक्रेन आफ्नो अस्तित्व नै रहन्छ कि रहँदैन भन्ने अवस्थामा पुगिसकेको छ । युक्रेनलाई अमेरिकाले मज्जाले रुससँग भिडाइरहेको छ । युक्रेनसँग भएको श्रोत साधन विस्तारै रित्तिसकेको छ । प्राकृतिक श्रोत र उत्पादन तहसनहस भइसकेको छ । अब युक्रेन हिजो कै अवस्थामा पुग्न वर्षौ लाग्ने देखिन्छ भने आफ्नो भूमि पनि उसले गुमाउनु पर्ने अवस्था रहेको छ ।
त्यही भएर होला तेलखानीको महत्वपूर्ण देश भेनेजुएलामाथि पनि अमेरिकी सत्ताले विभिन्न खालको हस्तक्षेप गरिरहेको छ । कतिपय दृश्य रुपमा त कतिपय अदृश्य रुपमा भनेजुएलालाई आफ्नो कब्जामा पार्ने प्रयासमा ट्रम्प सरकार लागिरहेको छ । तेस्रो कार्यकालका लागि राष्ट्रपति शासन हाँकिरहेको भेनेजुएलाका राष्ट्रपति निकोलस मादुरोलाई पक्राउ गर्न मद्दत गर्नेलाई ५ करोड डलर पुर्याउनुले अमेरिकाले भेजेनुएलामा माथि आफ्नो आधिपत्य जमाउने प्रयत्न गरेको संकेत पनि दिएको छ । त्यत्तिमात्र कहाँ हो र ? यसै हप्ता टम्पले भेनेजुएलाको आकाशमा कुनै पनि अन्तर्राष्ट्रिय उडान नउडाउन चेतावनी दिएका छन् । जसले कुनै पनि देशका नागरिकहरुको हिँड्डुल गर्न पाउने अधिकारलाई समेत पूर्ण रुपमा बञ्चित गराउने प्रयास देखिन्छ । यसले मानवअधिकारमाथि हनन् भएन र ?
क्यारबियन क्षेत्रमा अमेरिकाले युद्धपोत परिचालन गरेपछि यसले युद्ध निम्त्याउन खोजेको आरोप नलागेको होइन । केही समयअघि क्यारवियन क्षेत्रमा कुदिरहेका जहाजमाथि अमेरिकाले आक्रमण गरेपछि अमेरिकी नागरिकहरु नै राष्ट्रपति ट्रम्पका विपक्षमा उभिएका थिए । इजरायल र गाजाको लडाँईमा पनि अमेरिकाले नै इजरायललाई उकास्ने काम गरेको आरोप लाग्दै पनि आएको छ । भेनेजुएलाको वर्तमान सत्ता ढाल्न पाए र विगतमा अमेरिकासँग नजिक भएकालाई सत्तामा ल्याएर भेनेजुएलामाको खनिज आफ्नो कब्जामा पार्न पाए हुन्थ्यो भन्नेमा नै अमेरिका रहेको बुझिन्छ ।
शक्ति छ भन्दैमा जे पनि गर्न छुट सायद अमेरिकालाई मात्र छ जस्तो गरिरहेका छन् ट्रम्पले । तर त्यसो नहुने पनि सक्छ । अहिले सबै कुराले अमेरिका आफूलाई हात्ती नै सम्झिरहेको छ । साना देशहरुमा आफ्नो बर्चश्व राख्ने, नभए राजनीतिक अस्थिर बनाइरहने र त्यसको फाइदा कुनै न कुनै रुपमा लिने उसको दाउ पनि छ । अहिले युक्रेनलाई मात्र हेर्ने हो भने पनि यो अवस्था अमेरिका कै कारणले भएको हो । तर अमेरिकाले भेनेजुएला, क्युबा, मेक्सिको, कोलम्बियालाई जुन किमिसले हेरिरहेको छ त्यही हिसावले यी राष्ट्रहरु एक भएर अमेरिकाको विपक्षमा खनिए भने । हात्तीलाई पनि कमिलाले कसरी ठीक पार्छ भने जस्तै हुन बेर छैन ।
भेनेजुएला आफ्नो न्याय, आत्मनिर्भरताका लागि संघर्ष गरिहरको छ । राष्ट्रपति निकोलस अमेरिकासँग झुक्न चाहँदैन । त्यसैले पनि उनलाई लागूपदार्थको ओसारपसारमा संलग्न भएको आरोप लगाएर बदनाम गर्ने काम अमेरिकाले गरिरहेको भनिन्छ । अमेरिकाले क्यारेबियन क्षेत्रमा सैन्य बृद्धिलाई भेनेजुएला सहज रुपमा लिएको छैन । अमेरिकाले चलाएको सैन्य गतिविधि भनेको राष्ट्रपति निकोलस मादुरोलाई जसरी पनि सत्ताबाट हटाउने मूल उदेश्य हो भन्ने कुरा भेनेजुएलाले बुझेको पनि छ । भेनेजुएलामाथि यति सारो अन्याय हुँदा पनि थोरै राष्ट्रहरुले मात्र सहयोग दिइरहेका छन् । हुन त रुस, उत्तर कोरिया लगायतका देशहरुले अमेरिकाको दम्भलाई चिर्न भेनेजुएलालाई सहयोग नगरेको पनि होइन । यसैगरी अन्य देशहरुले पनि भेनेजुएलामा माथि भएको अन्यायका विपक्षमा उभिएर अमेरिकामाथि औला ठड्याउन थाले भने त्यसले अमेरिकालाई नै ठूलो क्षति हुन सक्छ भन्ने बुझाई अमेरिकन राजनीतिज्ञहरुको पनि छ ।
तर राष्ट्रपति ट्रम्पका विपक्षमा कोही बोल्न सकिरहेका छैनन । अहिले भेनेजुएलामाथि अमेरिकाले गर्न थालेको ज्यादतीका विरुद्ध अन्य राष्ट्रहरुसँग सहयोग त पक्कै नै भेनेजुएलाले चाहिरहेको छ । तर उसले चाहे जस्तै कतिपय राष्ट्रले खुलेर सहयोग गर्न सकिरहेका छैनन् । आफ्नो राष्ट्रको आकाशमा अन्तर्राष्ट्रिय उडानसमेत बन्द गर्न लगाउने अमेरिकन सरकारको सामन्तवादका विरुद्ध भेनेजुएला एक्लै लडिरहेको छ । तर भित्री रुपमा धेरै राष्ट्रहरु यसको साथमा छन् । कमिलाको ताँती जस्तै अमेरिकाबाट प्रताडित बनेका राष्ट्रका नागरिकहरुले स्वस्फूर्त रुपमा आफ्नो देशमा भेनेजुएलाको न्यायका लागि आवाज उठाउन थाले भने के होला ? अहिले अमेरिकाको मात्र रामराज्य नचल्ला ! अमेरिकाले भेनेजुएलाजस्तै गरी धेरै राष्ट्रको मन कुँडाउने काम त गरेको छ । त्यसका विपक्षमा नारा लाग्न थाल्यो भने अमेरिकाले के गर्ला ?
भेनेजुएलाको राष्ट्रपति निकोलस मदुरोको सत्ता परिवर्तनका लागि मात्र अमेरिकाले सैन्य गतिविधि बढाएको हो भन्ने कुरामा दुइमत छैन । त्यस कारण विश्वको कुनै पनि राज्यले न्यायका लागि संघर्ष र विद्रोह गर्न सक्छ । आफूनो स्वाधीनता र राष्ट्रिय स्वार्थका लागि जस्तो सुकै मूल्य पनि चुकाउन पछि पर्दैनन् । सायद न्यायको खोजी गर्दैैगर्दा भेनेजुएलाले पनि अमेरिकी ट्रम्प सरकारविरुद्ध मोर्चावन्दी ग¥यो भने के होला ? न्याय नपाएको, अमेरिकाले आँखा लगाएको भेनेजुएलाले पक्कै पनि उसलाई भुसको आगो जस्तै सल्काउन सक्छ । त्यसैले भेनेजुएलामा माथि अमेरिकन अन्यायको अन्त्य होस् ।
