झापा- नेपाल कम्युनिष्ट पार्टी (एमाले) को राष्ट्रिय महाधिवेशनका लागि भएको निर्वाचनमा झापाका चार निर्वाचन क्षेत्रमा महाधिवेशन प्रतिनिधि चुनिएका छन् । झापा क्षेत्र नं–२ बाहेक १, ३, ४ र ५ नम्बर निर्वाचन क्षेत्रको मत परिणामसमेत सार्वजनिक भएका छन् ।
झापा क्षेत्र नं–१ मा खुलाबाट राजु पोखरेल, असारु राजवंशी र लक्ष्मी राई, महिलातर्फ रमा भण्डारी र जानुका ओली तथा युवा क्लस्टरबाट दीपक बराल छनोट भए ।
झापा क्षेत्र नं–३ मा खुलातर्फ छविलाल चुँडाल, त्रिलोचन सापकोटा र बसन्त बानियाँ, महिलातर्फ कल्पना रेग्मी र शान्तादेवी खरेल तथा युवा क्लस्टरबाट अग्निप्रसाद सापकोटा प्रतिनिधि बने । झापा क्षेत्र नं–४ मा खुलातर्फ रोशन थोप्रा, रविन्द्र लम्साल, एलपी साँवा र हिक्मत कार्की, महिलातर्फ कृष्णमाया भुजेल र गोमा रिजाल तथ युवातर्फ रोशन सुवेदी चुनिए ।
क्षेत्र नं–५ मा खुलातर्फ अम्बिकाप्रसाद खनाल, शिव ढुङ्गेल, होमबहादुर थापा र तुलसी कार्की, महिलातर्फ अम्बिकादेवी अधिकारी, नर्वदा उप्रेती गौतम र लिला ढुङ्गेल दाहाल तथा युवातर्फ युवराज पौडेल चयन भएको एमाले झापाले जनाएको छ ।
झापाबाट दुई दलितसहित ३८ प्रतिनिधि महाधिवेशनमा सहभागी हुँदैछन् । दलित क्लस्टरबाट सर्वसम्मत चयन भए पनि बाँकी ३६ सिटका लागि भएको प्रतिस्पर्धामा ९५ उम्मेदवार चुनावी मैदानमा उभिएका थिए ।
