काठमाडौैं– रिलायन्स साहित्य समाजले नेपाली भाषा साहित्यका क्षेत्रमा योगदान दिने पुराना र युवा स्रष्टालाई सम्मान तथा पुरस्कार प्रदान गरेको छ । नेपाल प्रज्ञा प्रतिष्ठानका पूर्वकुलपति गंगाप्रसाद उप्रेतीले आयोजित कार्यक्रममा वरिष्ठ कवि एवं समालोचक प्रा जगतप्रसाद उपाध्यायलाई पुरस्कार प्रदान गरेका हुन् ।
३५ हजार पाँच रुपैयाँ राशिको सम्मान तथा युवा कवि सुदेश सत्याललाई १५ हजार पाँच रुपैयाँ राशिको प्रतिभा पुरस्कार प्रदान गरेका हुन् । पूर्वकुलपति उप्रेतीले भाषा साहित्य राष्ट्रको पहिचान भएको उल्लेख गर्दै निजीस्तरमा खुलेका साहित्यिक संस्थाले पुराना र नयाँ स्रष्टालाई सम्मान तथा पुरस्कृत गर्ने परम्परालाई निरन्तरता दिनु सकारात्मक पक्ष भएको धारणा राखे।
सम्मानित स्रष्टा उपाध्यायको व्यक्तित्वबारे समालोचक प्रा डा हेमनाथ पौडेलले तथा युवा प्रतिभा सत्यालबारे उपप्राध्यापक रुपक अलंकारले चर्चा गरेका थिए । रिलायन्स शैक्षिक प्रतिष्ठानका अध्यक्ष रवीन्द्रजङग थापा भाषा, साहित्य र कला क्षेत्रलाई राष्ट्रले सम्मान गर्नुपर्नेमा जोड दिए ।
कार्यक्रममा महाकवि लक्ष्मीप्रसाद देवकोटाको स्मृतिमा आयोजित १६औँ राष्ट्रव्यापी अन्तरविद्यालयस्तरीय वक्रृत्वकला प्रतियोगिताका विजयी विद्यार्थीहरूलाई पुरस्कार प्रदान गरिएको थियो । यस वर्ष महाकवि देवकोटाको ‘वन’ कवितामा वक्तृत्वकला प्रतियोगिता गराइएको समाजका अध्यक्ष दामोदर निरौलाले जानकारी दिए ।
