काठमाडौं– सल्यानमा नेपाली कांग्रेस जिल्ला कार्य समितिको कार्यालयमा आफ्नै कार्यकर्ताले तालाबन्दी गरेका छन् । कार्यसमितिले पदाधिकारी चयनमा मानोमानी गरेको कारण देखाउँदै तालाबन्दी गरेका हुन् ।
सभापतिले पाटीको निर्णय विनानै एकल ढंगले उपसभापति लगायत सदस्य मनोनयन गरेको भन्दै शारदा नगर समितिले कार्यालयमा ताला लगाएको छ ।
असन्तुष्ट पक्षले कार्यालयमा सभापतिको एकल निर्णय नसचिएसम्म तालाबन्दी जारी रहने शारदा नगरकार्य समितिका सभापति सचेत शाहले जानकारी दिए । उनले भने, ‘अधिकांश जिल्ला सदस्यहरुको असहमति विपरित सभापतिले मनोमानी ढंगले जसरी सभापतिले उपसभापति लगायत अन्यमा आफुखुशी मनोनयन गर्नु भएको छ उक्त निर्णय नसचिएसम्म कार्यालयमा लगाइएको ताला खोलिदैन ।’
काँग्रेस सभापति गणेश चन्दले साउन १९ गते पत्रकार सम्मेलनको आयोजना गरी उपसभापतिमा निम बहादुर वली र सदस्यहरुमा धन बहादुर हमाल, नेत्र बहादुर डाँगी, द्रोण प्रसाद जैशी र शिव शर्मालाई पनि मनोनित गरिएको जानकारी गराए ।
