रुपन्देही- राजेन्द्र लिङदेन नेतृत्वको राष्ट्रिय प्रजातन्त्र पार्टी राप्रपाले उमेदवार छनौटका लागि प्राइमरी इलेक्सन गर्ने निर्णय गरेकाे छ । राप्रपाले मंगलबार विज्ञप्ति मार्फत उमेदवार छनौटका लागि प्राइमरी इलेक्सन गर्ने निर्णय गरेको जनाएको हाे ।
राप्रपा नेता स्वर्गिय दिपक बोहराका छोरा प्रज्वल बोहोराले रुपन्देही क्षेत्र नं ३ बाट उम्मेदवारी दिने घोषणा गरेका छन् । आकांक्षी उमेदवार प्रज्वल बोहोराले सामाजीक सञ्जाल फेसबुकमा मंगलबार बेलुका नै एक स्टाटस लेख्दै आफूले उम्मेदवारी दिने निर्णयमा पुगेको जानकारी गराएका छन् । उनले फेसबुकमा लेखेका छन् ,'मेरो पूजनीय स्वर्गिय बुबा दीपक बोहरा ज्युको दुःखद निधन पछि उहाँले अपुरो छोड्नु भएको सपना र जनता प्रतिको समर्पणलाई निरन्तरता दिनका लागि आफूले उम्मेदवारी दिने निर्णयगरेको छु ।'
प्रज्वल दिपक बोहोराका कान्छा छोरा हुन् । उनले अगाडी लेखेका छन् ,'समग्र क्षेत्र बासीको आग्रह लाई स्वीकार गर्दै,मैले उम्मेदवारी दिने निर्णय गरेको छु । क्षेत्रको विकास र समृद्धिको साझा लक्ष्य पूरा गर्न, तपाईँहरूको अमूल्य साथ,माया र सहयोगको अपेक्षा गर्दछु । '
गत निर्माचनमा एमालेको सहयोगमा निर्वाचन जितेका दिपक बोहोरा यो क्षेत्रमा बिकास प्रेमी नेताका रुपमा परिचित थिए । बाबु लामो सायदेखि बिरामी भएका कारण छोराले उय निर्वाचन घोषणा हुनुपूर्व जनताकामाझ पुग्दै सक्दो सहयोग गर्दै आएका थिए । उप निर्वाचन घोषणा भएपछि उनले आफ्नो सक्रियता अझ बढाउदै गाउमा खानेपानी, शिक्षा, खेलकुद, चाडपर्व लगायत सामाजिक काममा सहयोग समेत गर्दै आएका छन् ।
निर्वाचनमा टिकट पाईएला नपाईएला तर बुवाको योजना अनुसार मतदाताको घर दैलोमा पुगेर समस्या बुझेर आवश्यक सहयोग गर्दै आएको स्थनियको भनाई छ । उनले निर्वाचन क्षेत्रका ३६ वटै वडामा आफ्नो कार्यक्रमलाई घर दैलोकै रुपमा अगाडी बढाउदै अएका छन् । उनको यो उमेदवारी घोषणालाई राप्रपाका स्थानिय मतदाताहरुले सकरात्मकरुपमा लिएको सामाजिक संञ्जालमा उल्लेख गरेका छन् ।
राप्रपाले गुमाएको यो क्षेत्र सुरक्षित गर्न सो पार्टीबाट सांसद स्वर्गिय दीपक बोहराका दुई छोरा प्रज्वल र गौरव सहित ६ जनालाई राप्रपाले उमेदवारका लागि सिफारिस गरेको छ ।रुपन्देहीको क्षेत्र नं ३ बाट प्रतिनिधिसभा सदस्यमा निर्वाचित भएका प्रज्वलका पिता दिपक बोहोराको गएको चैत्र १६ गते निधन भएपछि उक्त निर्वाचन क्षेत्रमा आगामी कार्तिक १७ गते हुने उपनिर्वाचनको तयारी भएको हो ।
राप्रपाबाट बोहराका दुई छोरा सहित ६ जनाको नाम सिफारीस
राष्ट्रिय प्रजातन्त्र पार्टी रुपन्देहीले कात्तिक १७ गते हुने रुपन्देही क्षेत्र नं ३ को उप–निर्वाचनका लागि पार्टीको तर्फबाट उम्मेदवारका लागि ६ जनाको नाम पार्टी केन्द्रलाई सिफारिस गरेको छ । केही साता अगाडी रुपन्देहीमा बसेको जिल्ला कार्य समिति बैठकले पार्टी केन्द्रीय सदस्यद्वय बसन्तविक्रम शाही,स्वाती थापा, रुपन्देही अध्यक्ष सागर प्रताप राणा,स्वर्गिय दीपक बोहराका छोराहरु गौरव बोहरा, प्रज्वल बोहरा र जिल्ला नेता दिलिप मल्लिकको नाम सिफारिस गरेको हो । प्रज्वल बोहरा र गौरब बोहराले निर्बाचन क्षेत्रमा घरदैलो गरिरहे छन् ।
