सङ्खुवासभा- सङ्खुवासभाको स्थानीय कासुवाखोलामा माछा मार्न गएका मकालु-३ उलिङका ४५ वर्षीय जापान राईको लडेर मृत्यु भएको छ । जिल्ला प्रहरी कार्यालयका प्रहरी निरीक्षक रामकुमार लामिछानेका अनुसार ढुङ्गामा चिप्लिएर उनको मृत्यु भएको हो ।
बुधबार अपराह्न भएको यो दुर्घटनाको खबर प्राप्त हुनासाथ हेदाङ्नागढीस्थित इलाका प्रहरी कार्यालयको टोली घटनास्थल पुगेको प्रहरी निरीक्षक लामिछानेले बताए । उनले भने,‘शव परीक्षणका निम्ति आज जिल्ला अस्पताल पुर्याइने छ ।’ उनीसँगै माछा मार्न गएका भानसिंह राईसँग प्रहरीले सोधपुछ एवं अनुसन्धान गरेको छ ।
