काठमाडौं– दाङमा खोटो बेचेर वन समूहले रु १८ लाख बढी आम्दानी गरेका छन् । जिल्लाका चार समुदायिक वनले १८ लाख ३७ हजार छ सय ५७ रुपैयाँको आम्दानी गरेका हुन् ।
डिभिजन वन कार्यालयका अनुसार आर्थिक वर्ष २०८१/८२ मा ७५ हजार २५६ किलो खोटो बेचेर उक्त रकम आम्दानी भएको हो । खोटो तार्पिन र रङ बनाउन प्रयोग गरिन्छ । यो खोटो बाँके र कपिलवस्तुका उद्योगले खरिद गर्दै आएका छन् । आर्थिक वर्ष २०८०/८१ को तुलनामा आव २०८१/८२ मा एक लाख ९६ हजार रुपैयाँको ७५६ किलो कम खोटो सङ्कलन भएको छ । आव २०८०/८१ मा जिल्लाका सातवटा सामुदायिक वन समूहबाट दुई लाख ७२ हजार रुपैयाँको १२ किलो सल्लाको खोटो सङ्कलन भएको थियो ।
आर्थिक वर्ष २०७९/८० मा ७८ हजार किलो सल्लाको खोटो सङ्कलन गरी बिक्री गर्दा नौ लाख ३९ हजार २७ रुपैयाँको आम्दानी भएको थियो । खोटो सङ्कलन गर्ने सामुदायिक वन समूह घटेसँगै आय पनि घटेको हो ।
-1755862759.jpeg)
