काठमाडौं– सरकारले आन्तरिक र अन्तर्राष्ट्रिय उडान २ जेठसम्म बन्द गर्ने निर्णय गरेको छ । शनिबार कोरोनाना रोकथाम तथा नियन्त्रण समन्वय उच्चस्तरीय समितिको सिंहदबारमा बसेको ् बैठकले यस्तो निर्णय गरेको हो ।
बैठकले आन्तरिक र अन्तर्राष्ट्रिय उडानलाई थप समय रोक्ने निर्णय भएको प्रधानमन्त्री कार्यालयका सचिव नारायण बिडारीले जानकारी दिए । यसअघि १८ वैशाखसम्म अन्तर्राष्ट्रिय र आन्तरिक उडान स्थगित गर्ने निर्णय सरकारले गरेको थियो ।
यस्तै छलफलमा लकडाउनको मोडल परिवर्तन गर्नेबारे पनि छलफल भएको छ । बैठकमा सहभागी सदस्यहरूले विभिन्न प्रस्तावमध्ये क्षेत्र निर्धारण गर्दै लकडाउनलाई सोहीअनुसार परिवर्तन गर्ने वा अहिलेकै मोडलमा जाने बताएका छन् । त्यसमध्ये अधिकांश सदस्यहरूले बढी प्रभावित क्षेत्र र कम प्रभावित क्षेत्र छुट्याएर उक्त क्षेत्रमा मात्र कडिकडाउ गर्नुपर्ने धारणा राखेका थिए ।
‘धेरै प्रस्तावहरू आएका छन् । लकडाउनलाई यसैगरी निरन्तरता दिने, खुकुलो बनाउने, जोन निर्धारण गर्नेलगायतका विभिन्न प्रस्तावहरू आएका थिए । तर, प्रस्तावहरूलाई मन्त्रिपरिषदमा पठाउने निर्णय भएको समितिका सदस्यसमेत रहेका एक मन्त्रीले बताए । उनले भने, ‘सिफारिस र प्रस्तावहरू कम्पाइल गरेर मन्त्रिपषिदमा पठाइएको छ । अन्तिम निर्णय आज बस्ने मन्त्रिपरिषदले गर्छ ।’
यस्तै, लकडाउनलाई निरन्तरता दिने र यसको मोडालिटीबारे छलफल भएपनि निर्णय भने हुन सकेन । लकडाउनको अवधि र मोडालिटीबारे समितिकै सिफारिसको आधारमा मन्त्रििपरिषद्ले निर्णय गर्ने भएको छ ।
उपप्रधान तथा रक्षामन्त्री ईश्वर पोखरेलको अध्यक्षतामा बसेको बैठकमा एक महिना लकडाउनको प्रभाव र संक्रमणको संभावित जोखिमबारे छलफल भएको थियो । सरकारले पछिल्लोपटक थपेको लकडाउन यही १५ वैशाखमा सकिँदै छ ।
छलफलमा सहभागी अधिकांश सदस्यले बढी प्रभावित क्षेत्र र कम प्रभावित क्षेत्र छुट्याएर उक्त क्षेत्रमा मात्र कडिकडाउ गर्नुपर्ने धारणा राखेका थिए । उनीहरूले एक साता लकडाउन बढाउन सकेत प्रस्ताव राखेका छन् । तर, प्रस्तावहरूलाई मन्त्रिपरिषदमा पठाउने निर्णय भएको समितिका सदस्यले बताए । उनका अनुसार सदस्यहरूको सिफारिस र प्रस्तावहरू कम्पाइल गरेर मन्त्रिपषिदमा पठाइएको छ भने अन्तिम निर्णय आइतबार बस्ने मन्त्रिपरिषदले गर्नेछ ।
त्यस्तै, केही सदस्यले अहिलै लकडाउन खुकुलो बनाउन नुहने बताएका थिए भने केहीले खुकुलो बनाउनुपर्ने धारणा राखेका थिए । उनीहरूले छिमेकी मुलुक भारतमा संक्रमण फैलिरहेको अवस्थामा नेपालमा पनि संक्रमण जोखिम कायमै रहेको भन्दै लकडाउनलाई अहिलकै अवस्थामा कायम राख्नुपर्ने बताएका छन् ।
उता भारत सरकारले २१ वैशाखसम्म लकडाउन घोषणा गरेको छ । त्यसैले पनि अहिले नै नेपालमा लकडाउन खुकुलो बनाउनु नहुने सरकारको धारणा छ । नेपालमा समेत संक्रमणको जोखिम कायमै रहेकाले लकडाउन जारी राख्नुपर्ने एक मन्त्रीले बताएका छन् ।
भारतसँग खुला सिमानाका कारण पनि यहाँ जोखिम थप बढ्ने भएकोले सरकार लकडाउन थप्ने तयारीमा पुगेको छ । पहिलोपटक ११ चैतबाट मुलुकभर लकडाउन घोषणा भएको थियो । पछिल्लोपटक थपिएको लकडाउनको समय १५ बैशाखमा सकिँदै छ ।
