काठमाडौं- वर्तमान सरकार संविधान, विधिको शासन र संसदीय अभ्यासको मूल मर्म विपरीत चलेको आरोप नेकपा माओवादी केन्द्रका सांसद पूर्णबहादुर घर्तीमगरले लगाएका छन् । बिहीबारको प्रतिनिधि सभाका बैठकमा बोल्दै सांसद घर्तिमगरले यस्तो आरोप लगाएका हुन् ।
सरकार नैतिक जगमा नअडिएको तथा संवैधानिक प्रक्रियाको पालना गर्न नखोजेको भनी आलोचना गरेका छन् । वर्तमान समयमा विधिको शासन, जनताको म्याण्डेट र संविधानको आत्मा उपेक्षित हुँदै गएको भन्दै उनले गम्भीर चिन्ता व्यक्त गरे ।
‘सरकार न त नैतिक जगमा अडिएको छ नत संवैधानिक प्रक्रियामै । बरु यो सरकार संवैधानिक प्रक्रियाको योजनाबद्ध र निर्लज्ज उल्लङ्घनमार्फत टिकाइएको सत्ताको दुर्गन्धित नमुना हो । संसदीय अभ्यास, विधिको शासन, जनताको म्याण्डेड र संविधानको आत्मा यी सबै आज अपहेलित, उपेक्षित र पदीय दुर्गन्धले ढाँकिएको अवस्था देखिँदैछ’,उनले भने ।
सरकारमा सहभागी दलहरूले समर्थन फिर्ता लिँदा समेत सरकारले जनतालाई स्थायित्वको भ्रममा राखिरहेको उनको भनाई छ । प्रधानमन्त्रीले संसद्लाई सिंहदरबारको कार्यक्षेत्र जस्तै बनाएको र संसद् जनताको भरोसा नभई सत्ताको थिएटर बन्न पुगेको आरोप लगाएका छन् ।
-1752335779.jpg)
