काठमाडौं– सिटिजन्स बैंक इन्टरनेशनल लिमिटेड र काठमाडौंको नागपोखरीस्थित ई-स्पट नेपालबीच विशेष छुटसम्बन्धी समझदारी पत्रमा हस्ताक्षर भएको छ । बिहीबार भएको सम्झौता अनुसार अब सिटिजन्स बैंकका ग्राहकलाई १० प्रतिशत सम्म छुट पाउने छन् ।
सिटिजन्स बैंकका ग्राहकलाई कार्डधारक, विशेषाधिकार कार्डधारक र मोबाइल बैंकिङ प्रयोगकर्ताहरूले ई-स्पट नेपालका सबै आउटलेटहरूमा विद्युतीय सवारी चार्जिङ सेवामा ५ प्रतिशत र खानामा ५ प्रतिशत गरी कुल १० प्रतिशतसम्मको छुट पाउनेछन् । बैंकले यस सहकार्यलाई डिजिटल कारोबारतर्फको पवर्द्धनलाई अवसरको रूपमा लिएको जनाएको छ ।
बैंकले डिजिटल भुक्तानी प्रणालीलाई प्रोत्साहन गर्न समयानुकूल ग्राहकमैत्री योजना ल्याउँदै आएको बताएको छ । बैंकको वेबसाइटमार्फत छुटसम्बन्धी थप जानकारी प्राप्त गर्न सकिने जनाएको छ ।
-1752335779.jpg)
