काठमाडौं- सारथी केवल इन्डष्ट्रीज लिमिटेडले प्रारम्भिक सार्वजनिक निष्कासन (आईपीओ) अघि बढाउन सिटिजन्स क्यापिटल लिमिटेडसँग सम्झौता गरेको छ । बुधबार राजधानीको होटल मेरियटमा आयोजित कार्यक्रममा अध्यक्ष अंकित भुसाल र सिटिजन्स क्यापिटलका सिईओ सबिर बादे श्रेष्ठले सम्झौतापत्रमा हस्ताक्षर गरेका हुन् ।
सम्झौताअनुसार कम्पनीले आर्थिक वर्ष २०८२/८३ मा आफ्नो जारी पुँजीको २०५ सर्वसाधारणलाई निष्कासन गर्नेछ । यसमार्फत सर्वसाधारणलाई सम्भावनायुक्त उद्योगमा लगानी गर्ने अवसर प्राप्त हुनेछ ।सारथी केवलले आईपीओबाट संकलित रकम प्रयोग गरी नेपालमै पहिलोपटक अन्डरग्राउन्ड केवल उत्पादन गर्ने योजना अघि सारेको छ । साथै, एल्मुनियम फोरेन्स प्लान्ट जडान गरी विद्युत सामग्रीमा आत्मनिर्भरता हासिल गर्नेसमेत लक्ष्य लिएको छ । यसले गुणस्तरीय विद्युत पूर्वाधार निर्माणमा योगदान र्पुयाउने कम्पनीको विश्वास रहेको छ ।
अध्यक्ष भुसालले भूमिगत केवल उत्पादन नेपालको विद्युतीय पूर्वाधार आधुनिकीकरणतर्फको ऐतिहासिक प्रयास भएको बताए । सिटिजन्स क्यापिटलका सिईओ श्रेष्ठले यो परियोजनाले केवल उत्पादनमा उल्लेखनीय योगदान दिने र लगानीकर्तालाई आकर्षक अवसर प्रदान गर्ने बताए। नेपालमा ८३,००० मेगावाट जलविद्युत् उत्पादन सम्भावना रहेकामा सरकारको लक्ष्य २०३५ सम्म २८,५०० मेगावाट उत्पादन र्पुयाउने भएको छ । यस्तो अवस्थामा सारथीको पहलले प्रसारण र वितरण प्रणाली थप सक्षम बनाउने अपेक्षा गरिएको जनाएको छ ।
-1752335779.jpg)
