काठमाडाैं - पोखरामा प्याराग्लाईडिङ ल्याडिङ गर्ने क्रममा दुर्घटनामा परेका छन् । प्याराग्लाईडिङ ल्याडिङ गर्ने क्रममा दुर्घटनामा परेका चार जनाको सशस्त्र प्रहरीले बुधबार सकुशल उद्धार गरेको हाे ।
कास्की जिल्लाको पोखरा महानगरपालिका–१८ तोरेपानीबाट उडेको २ वटा प्याराग्लाईडिङ ल्याडिङ गर्ने क्रममा अनियन्त्रित भई फेवा तालको बीच भागमा खसेको थियो । सो दुर्घटना लगत्तै सशस्त्र प्रहरी बल नेपाल नं. २४ कालिका गण कास्कीबाट फेवा रेस्क्यु टावरमा खटिएको सुरक्षा फौजले करीब ३ बजे सकुशल उद्धार गरेको हो ।
उद्धार गरिएकाहरुमा भारतको बनारस घर बताउने ४१ वर्षिय अकलेस यादव र ३५ वर्षिय चन्दन कुमार पटेल तथा अग्नि प्याराग्लाईडिङ्गका पाईलट ३० वर्षिय मिलन शाह र ह्याप्पी फ्लाई प्याराग्लाईडिङ्गका पाईलट २८ वर्षिय विश्वास अधिकारी छन् ।
