काठमाडौं - सोलुखुम्बुकाे गोक्यो ताल क्षेत्र पुगेका एक चिनियाँ नागरिककाे प्रहरीले उद्धार गरेको छ । चिनियाँ नागरिक छुई हुवाङलाई मंगलबार एभरेष्ट हेलिकप्टरमार्फत उद्धार गरिएको पर्यटक प्रहरी कार्यालय भृकुटीमण्डपका डीएसपी रिपेन्द्र कुमार सिंहले बताएका हुन् ।
३५ औँ जन्मदिनको दुई दिनअघि मर्न लागेको भन्दै उनले टिकटकमा पोष्ट गरेका थिए । हुवाङले पोष्ट गरेपछि परिवारले दूतावासमा त्यसबारे जानकारी गराए । उनी मे २५ मा लुक्ला हुँदै नाम्चे बजार तर्फ गएका डीएसपी सिंहले बताए ।
सोलुखुम्बुबाट काठमाडौँ ल्याएर प्रहरीले उनलाई दूतावासको जिम्मा लगाउने तयारी गरेको छ । हुवाङ गोक्यो स्थित थाङ्का इनमा बस्दै आएका थिए ।
