काठमाडौं - गिनिज बुकधारी सजन डंगोलले विश्व सर्वोच्च शिखर सगर माथा सफल आरोहण गरेर अर्को नयाँ कीर्तिमान राखेर टोखा नगरको मात्र नभई सम्पूर्ण नेपालीको शिर पुनः एक पटक शिर उचो बनाएका छन् ।
समाजसेवी पिता मणि डंगोल र माता मोहनमाया डंगोल महर्जनको कोखबाट वि.सं. २०५२ सालमा जन्मिएका २९ बर्षका गिनिज बुकधारी सजन डंगालले वि.सं. २०८२ साल वैशाख ३१ गते विहान ७ बजेर ५० मिनेट सर्वोच्च शिखर चढेर पुनः नयाँ कीर्तिमान इतिहास स्वर्ण अक्षरमा अाफ्नाे नाम लेखाउन सफल भएकाे हाे ।
गिनिजबुकधारी डंगाेलकाे सफल आहरोहण टोलीमा अमेरिकाका माईकल रुडोल्फ गटविन द्वितीय, सौरभ भसीन, र नेपालका पेम्बा शेर्पाले गरि पाँच जनाले सगरमाथा आरोहण गरेका थिए ।‘एक्सपेडिसन्स हाई माउन्टेन ट्रेक्स’मार्फत गरिएको आरोहणमा पेम्बा ओङ्चु शेर्पा, याल्जे शेर्पा, निग्मा ग्याल्जे शेर्पा, लोप्साङ शेर्पा, छेबी भोटे, र मिङ्मा छिरी शेर्पाजस्ता अनुभवी सहयोगीहरूले गिनिजबुकधारी डंगोललाई साथ दिएको थियो।
उनलाई जेष्ठ ३ शनिबार बिहान त्रिभुवन अन्तराष्ट्रिय विमान स्थल भव्य रूपमा स्वागत गरि टोखाका विभिन्न बाजा, खलः पुचले टोखा नगर परिक्रमा गराउनुका साथै टोखा नगरपालिकाले नगर परिक्रमा नागरिक अभिनन्दन समेत गरिएको थियो । टोखा वडा नं. ३ निवासी गिनिज बुकधारी डंगाेलले वि.स. २०८१ साल चैत्र २६ गते विहिबारदेखि सगरमाथा आरोहणमा लागेका गिनिज बुक धारी डंगोलले लोपुचे हिमाल तथा सगरमाथाको सफल आरोहण सहित ३६ दिन लगाएर सफल आरोहण गरेको जानकारी गराए ।
एक वर्षको अन्तरालमा अर्थात वि.सं. २०८० फागुन ४ गते बेलायतको बर्मिङ्घम, युनाइटेड किंगडममा दुई खुट्टाले सबै भन्दा धेरै पटक फुटबल छोएर ‘गिनिज वर्ल्ड रेकर्ड’ राख्न सफल भएको थियो ।
-1745656903.jpeg)