काठमाडाैं - सगरमाथा आरोहण सिजन २०२५ मा पहिलो विदेशी नागरिकको मृत्यु भएको पुष्टि भएको छ। Mountaineering Association of Krishnanagar को तर्फबाट Snowy Everest Expedition मा सहभागी ४५ वर्षीय फिलिप्पिन्सका पर्वतारोही फिलिप दाेस्राे सान्तियागो (Philipp II Santiago)को गत राति क्याम्प४ मा मृत्यु भएको जनाइएकाे हो।
क्याम्प ४ मा मृत्यु भएका सान्तियागोको मृत्युको कारण अझै स्पष्ट भइसकेको छैन। हाल उनको शवलाई सगरमाथा आधार शिविर (Everest Base Camp) मा ल्याउने प्रयास भइरहेको छ। उनी अन्तिम शिखर चढाइको तयारीमा थिए।
यसअघि सिजनको सुरुवातमा दुई जना नेपाली शेर्पा कर्मचारीको पनि ज्यान गएको थियो। ती दुवै जनालाई सगरमाथा आधार शिविर बाट उद्धार गरी काठमाडौंस्थित हाम्स अस्पताल ल्याइए पनि उपचारको क्रममा निधन भएको थियो। ती घटनाले सगरमाथा आरोहणसँग जोडिएको उच्च जोखिम र चुनौतिलाई पुनः स्मरण गराएको छ।
यस वर्ष २०२५ मा नेपाल पर्यटन विभाग अनुसार ४० देशका ४५० भन्दा बढी विदेशी आरोहीहरूले सगरमाथा आरोहण अनुमति लिएका छन्। उनीहरूका लागि सहयोगी १००० भन्दा बढी नेपाली गाइड र शेर्पा परिचालित छन्। हरेक वर्ष जस्तै, सगरमाथाको खतरनाक मार्गहरू विशेष गरी खुम्बु आइसफल र डेथ जोनले ज्यानको जोखिम मोल्नुपर्ने अवस्थालाई उजागर गरिरहेको छ।
Adventure Consultants लगायतका संस्थाहरूले मृतक शेर्पा गाइडहरूका परिवारलाई सहयोग गर्ने कार्यक्रमहरू सञ्चालन गर्दै आएका छन्। यस्तो एक कार्यक्रम हो Sherpa Future Fund, जसले मृतकका छोराछोरीलाई शिक्षा र जीवननिर्वाहमा सहयोग गर्छ।यी दुखद घटनाहरूले पुनः सगरमाथा आरोहणमा उच्च सुरक्षा र व्यवस्थापनको आवश्यकता देखाएको छ।
