कैलाली- माओवादी केन्द्रका अध्यक्ष पुष्पकमल दाहाल ‘प्रचण्ड’ र सुदूरपश्चिम प्रदेशका माओवादी सांसदबीच आज हुने भनिएको छलफल स्थगित भएको छ ।
संसदीय दलको विवादका विषयमा छलफल गर्न र समस्या हल गर्न प्रचण्डले आज माओवादीका सबै सांसदहरूलाई खुमलटार बोलाएका थिए । तर, अचानक अन्तिम समयमा छलफल स्थगित गरिएको प्रचण्डका सल्लाहकार गोविन्द आचार्यले जानकारी दिए ।
‘बिहान इन्चार्जसहित बसेर छलफल गरेर फेरी संसदीय दलको विषयमा छलफल गर्ने कुरा भएको थियो तर, अहिलेलाई त्यो संवाद स्थगित भएको छ ’ उनले भने, ‘अर्को बैठकको समय तोकिएको छैन ।’
आज बिहान ९ बजे प्रचण्डले सबै सांसदहरूलाई छलफलको लागि बोलाएका थिए । फेरि दिउसो १ बजे बस्ने तयारी गरिएको थियो । आज दुवै छलफल स्थगित भएको हो ।
माओवादी अध्यक्षसँगको छलफल स्थगित भएपछि सुदूरपश्चिम प्रदेश संसदीय दलको विवाद अझै निरूपण नहुने भएको छ । केन्द्रबाट दलको नेता परिवर्तनको पत्र आउँदा पनि सांसदहरूले चासो नदिएपछि अहिले प्रचण्ड आफैले सबै सांसदलाई काठमाडौं बोलाएका हुन् ।
-1745656903.jpeg)