काठमाडाैं - भारतीय पर्वतारोही अर्जुन वाजपेईले शिशा पाङ्मा आरोहण गर्ने भएका छन् । काठमाडाैंमा आज एक पत्रकार सम्मेलन गरी भारतका पहिलो व्यावसायिक पर्वतारोही अर्जुन वाजपेईले विश्वको १४औँ र तिब्बती हिमालयमा अवस्थित आठ हजार २७ मिटर अग्लो वर्गको चुचुरो शिशा पाङ्मा, #Project8k नाम दिएर आरोहण गर्ने तयारी गरेका हुन् ।
अर्जुन वाजपेयीले एकमात्र भारतीय पर्वतारोही हुन् जसले आफ्नो पर्वतारोहण करियरमा अविश्वसनीय १६ आरोहण गरेका छन्। उनले १४ वटा आठ हजार मिटरमाथिका हिमालमध्ये सातवटा सफलतापूर्वक आरोहण गरिसकेका छन्। यो आरोहणसँगै उनले आठ हजार मिटरमाथिका १४ वटा हिमालमध्ये ८ वटा चुचुरोमा पुग्ने भारतबाट पहिलो भारतीय पर्वतारोही बनि इतिहास रच्ने तयारीमा रहेकाे बताए ।
मानसिक कठोरता र लचिलोपनले त्यस्ता आवश्यक आरोहणहरूमा सफलता प्राप्त गर्न महत्त्वपूर्ण भूमिका खेल्ने उनकाे विश्वास छ । उनले भने , 'चुनौतीहरू जित्न शारीरिक तालिमसँगै मानसिक बलको पनि महत्त्वपूर्ण भूमिका रहेको छ ।' अर्जुनका अनुसार मानसिक स्वास्थ्य, शारीरिक स्वास्थ्य जत्तिकै महत्त्वपूर्ण छ र आजको द्रुत गतिको संसारमा मानसिक स्वास्थ्यमा ध्यान केन्द्रित गर्न र आवश्यक पर्दा सहयोग खोज्न आवश्यक छ। उनले भने , "जब शरीरले हार मान्छ, दिमागले लिन्छ, र सबैभन्दा कठिन र सबैभन्दा असम्भव कार्यलाई दिमागले व्यवस्थापन गर्न सक्छ।"
३० वर्षीय अर्जुनले यसअघि नै दुईवटा अग्लो आठ हजार अग्लो हिमाल आरोहण गर्ने सबैभन्दा कान्छो व्यक्तिको रूपमा गिनिज वल्र्ड रेकर्डमा नाम दर्ता गरिसकेका छन् । सन् २०१० मा १६ वर्षकाे उमेरमा सगरमाथा र २०११ मा १७ वर्षकाे उमेरमा ल्होत्से हिमाल आरोहण गरेका हुन् । उनले सन् २०११मा मनास्लु, २०१६मा मकालु र चो-ओयु ,२०१८मा कञ्चनजंग र २०२३मा अन्नपूर्ण हिमाल आरोहण गरेका हुन् ।
विश्वको आठ हजार मिटर माथिको सबै १४ वटा हिमशिखरहरू आरोहण गर्ने पहिलो भारतीय बन्ने सपनामा अन्तिम लक्ष्य माउन्ट शिशा पाङ्माको आरोहण गर्नु रहेकाे उनले बताए । ''संसारमा ५५ भन्दा कम व्यक्तिहरूले यो उपलब्धि हासिल गरेका छन्, कुनै पनि भारतीयले यो उपलब्धि हासिल गरेका छैनन्। ''
उनले भने , "8000 मिटर भन्दा माथिका सबै 14 हिमालहरू चढ्ने, भारतको झण्डा माथि उठाउने, र यो उपलब्धि हासिल गर्ने पहिलो भारतीय बन्ने मेरो सपना हो। अहिले, मेरो ध्यान #Project8k मा छ, र यो चुनौतीपूर्ण कार्य हासिल गर्न म जाँदैछु।।"
उनको अभियानलाई सेभेन समिट ट्रेक्स प्रा. लि.ले सहयाेग गरेकाे छ ।
