कैलाली - जुवातास खेलिरहेको अवस्थामा प्रहरीले ६ जनालाई क्याम्पस चोकबाट पक्राउ गरेकाे छ ।
धनगढी उपमहानगरपालिका-७ क्याम्पस चोककाे एक नास्ता पसलबाट जुवातास खेलिरहेको अवस्थामा पसलसंचालकसहित प्रहरीले ६ जनालाई क्याम्पस चोकबाट पक्राउ गरेकाे हाे ।
नास्ता पसल संचालन गरी बस्ने बझाङ जयपृथ्वी नगरपालिका-५ घर भएका ४५ वर्षीय प्रयाग राज जोशी समेत ६ जनालाई बिहीबार दिउँसो प्रहरीले पक्राउ गरेको छ ।
वडा प्रहरी कार्यालय धनगढीबाट खटिएको प्रहरीले उनीहरूलाई नगद २३ हजार ३ सय ४० रूपैयाँ र १ गड्डी तास सहित पक्राउ गरेको हो ।
यस सम्बन्धमा प्रहरीले आवश्यक अनुसन्धान गरिरहेको छ ।
