काठमाडौं - गायिका शान्ति श्री परियारको स्वरमा नयाँ तीज गीत ‘बैँस जोबन उम्रो’ सार्वजनिक भएको छ ।
गायिका शान्ति श्री परियारको स्वरमा डी आर सुजनकाे अफिसियल युट्युब च्यानलबाट तीज गीत ‘बैँस जोबन उम्रो’ सार्वजनिक गरिएको हो ।
भिडियोलाई डी आर सुजनले नै निर्देशन गरेका हुन् । भिडियोमा नवराज उप्रेतीको सिनेमाटोग्राफी, विकास ज्ञवालीको सम्पादन र काजिस श्रेष्ठको कोरियोग्राफी रहेको छ ।
डी आर सुजनको शब्द, सङ्गीत र आशिष् अविरलको एरेन्ज रहेको गीतमा जीवनमा दुःख सुख भनेको आइरहन्छ दुःखमा आत्तिने र सुखमा न मात्तिने नै जीवन यापनको सजिलो माध्यम हो भन्ने सन्देश दिन खोजिएको छ ।डी आर सुजन, अञ्जली अधिकारी र सरस्वती खत्रीको अभिनय रहेको छ ।
