काठमाडाैं - 'महाजाली' गीतको म्युजिक भिडियो सार्वजनिक भएको छ । गीतकार एम टी गणेश अधिकारीको शब्दमा बनेकाे 'महाजाली' गीतमा प्रमोद खरेलले आवाज दिएका छन् ।
म्युजिक भिडियोमा कथा र निर्देशन नागेन्द्र नेपालकाे रहेको छ। दीपकराज विश्वकर्माको सङ्गीत तथा एरेन्ज यस गीतमा रहेको छ ।
जुना कार्की,उतम श्रेष्ठ (शिशिर) र उरेश सिग्देलको अभिनय रहेको गीतलाई रोशन श्रेष्ठले छायाङ्कन गरेका हुन् ।
उक्त गीतमा श्रीमान-श्रीमतीबीच समाजिक सञ्जालकाे प्रयाेगले वैवाहिक जीवनमा कसरी अफ्ठयाराे आएकाे देखाइएकाे छ । यस भिडियोमा झापा जिल्लाको विभिन्न स्थानमा रहेका दृश्य देख्न सकिन्छ ।
