काठमाडौं – काठमाडौंस्थित आफ्नै घरबाट हिँडेर पर्वताहरोहीजेश लामाले सगरमाथाको चुचुरो चुमेका छन् । हिमालय पर्वतारोहणको समृद्ध इतिहासमा पहिलोपटक आफ्नै घरबाट हिँडेर पर्वताहरोही राजेश लामाले ५७ दिनमा सगरमाथाको चुचुरो आरोहण गर्न सफल भएका हुन् ।
कुल दूरी ४३२.६ किलोमिटर हिँडेर नै सगरमाथाको चुचुरोमा पुगेर उनले नयाँ इतिहास कोरेका छन् । साहसिक गतिविधिहरूको लागि उपयुक्त, उच्च गुणस्तरको ट्रेकिङ गियर प्रदान गर्ने र नेपालमा प्रामाणिक बाहिरी ब्रान्ड ल्याउने अग्रणी कम्पनी,महिलाहरूको स्वामित्वमा रहेको र ९७ प्रतिशत कर्मचारीहरू महिला मात्र भएको नर्थ फेसको समिट सिरिज लामाले आरोहरणमा प्रयोग गरेका थिए ।
लामा दाई’ को उपनामले चिनिने उनले काठमाडौंमा नर्थ फेसको आयाेजनामा आज एक पत्रकार सम्मेलन गरी हिँडेर सगरमाथाको चुचुरो पुग्नुको उद्देश्य र ऐतिहासिक आरोहण पछाडिका आफ्ना अनुभव, चुनौती, र प्रेरणाहरूलाई बाँडेका छन् । अहिलेको युगमा सम्भवत छिटो छरितो रुपमा सबै काम सक्काउने प्रवृतिलाई चिर्दै अत्यन्त धैर्य, मनोबल र उत्साहलाई लामाले उजागर गरेका छन् । काठमाडौंबाट सुरु गरेको यो यात्रा हिमालयी अन्वेषणको विरासत र मानव मनोबलको अथकतालाई सम्मान गरेको छ ।
को हुन् लामा दाई
नेपालको पर्यटन उद्योगमा दशकभन्दा बढी अनुभव भएको पेशेवर ट्रेकिङ गाइड हुन् । उनले सन् २००९ देखि ट्रेकहरूको नेतृत्व र शिक्षण गर्दै, यात्रा र प्राकृतिक सुन्दरतामा आफ्नो उत्साह साझा गर्दै आएका छन् । उनको उद्यमशील आत्मविश्वासले २०१३ मा लामा वक्स स्थापना गरे । उनले साहसी र प्रेरणादायी यात्राहरूको नेतृत्व गर्छन् । साथै, लामा हिमालयन मेडिक्सको कार्यकारी निर्देशकको रूपमा पनि कार्य गर्दै बाह्य क्षेत्रको सुरक्षा र चिकित्सा समर्थनमा योगदान दिने गर्दछन् ।
उनले आफ्ना यात्राका मुख्य क्षणहरू बडो रमाइलोका साथ बताउँछन्। उनले काठमाडौँको सानेपाबाट आफ्नो यात्रा सुरु गरेर धुलिखेल,दोलालघाट हुँदै आठ दिनमा जिरी पुगे । उनले १५ ( १५ एप्रिल,२०२४ )औँ दिनमा चुनौतीपूर्ण भू–भाग पार गरेर लुक्ला पुगे । उनले यही क्रममा मनमोहक दृश्य र आवश्यक अवस्थाका लागि परिचित गर्न रेन्जो ला (५,३६० मि) र चो ला (५,४२ मि) को उच्च मार्गहरू नेभिगेट गरे ।
लबुचे शिखरमा आइपुग्न उनलाई २७ दिन लाग्यो । उनको टोलीले एभरेस्ट बेस क्याम्पबाट अन्तिम गन्तव्यतिर मे १५, २०२४मा प्रस्थान गरे । पाँच चुनौतीपूर्ण दिनहरुपछि सगरमाथाको चुचुरोमा मे २०, २०२४ लामाले पाइला टेक्न सफल भए । २०२४काे मे २४ मा सगरमाथा आधार शिविर गई लामाले आफ्नाे यात्रा समाप्त गरेका हुन् ।
सगरमाथाको चुचुरोमा पुगेर सहयोग गर्ने दाताहरुको झण्डा फहराएर सबैले धन्यावाद गर्दछन् तर उनीहरुले ती लगेका थोकहरु त्यही नै छोडेर आएकोमा उनले दुख व्यक्त गरे। यो क्रम जारी रहे भोली सगरमाथाको चुचुरोमा फोहोरको चुचुरो नबन्ला भन्न सक्किन उनले भने । उनले आफूले लगेको दाताको झण्डा भने त्यहाँ नछोडि बोकेर ल्याएको बताए ।
लामाको यात्राले विश्वभरका महत्वाकांक्षी पर्वतारोहीहरू र बाहिरी उत्साही पैदल यात्रीहरुका लागि प्रेरणाको स्रोत बनेको छ । उनको लगनशीलता र मनोबलले पर्वतारोहीहरुका लागि थप नयाँ आशा र नयाँ जोशलाई जगाइदिएको छ ।
