काठमाडौं– प्रमुख प्रतिपक्षी दल नेपाली कांग्रेसका सभापति शेरबहादुर देउवाले कम्युनिस्ट अब अधिनायकवादविरुद्ध अन्तिम लडाइँ लड्न कांग्रेस तयार रहेको बताएका छन् । कांग्रेसका पूर्वमहामन्त्री स्व. महेन्द्रनारायण निधिको ९८औँं जन्मजयन्तीका अवसरमा महेन्द्रनारायण निधि स्मृति प्रतिष्ठानले मंगलबार काठमाडौंमा आयोजना गरेको कार्यक्रममा सभापति देउवाले यस्तो बताएका हुन् ।
सभापति दृयाले पार्टीभित्र विगतमा बहुमतले सशस्त्र संघर्षको निर्णय गर्दा त्यसको विरोधमा उभिएर सत्याग्रहको तयारी गरेका महेन्द्रनारायण निधिलाई तत्कालिन राजा महेन्द्रले २० वर्ष जेल हालेको प्रसंगको स्मरण गरेका थिए । सभापति देउवाले भने, ‘हामीले अन्तिम लडाइँ लड्नुपर्ने अवस्था आउँदैछ । देशमा प्रजातन्त्रको स्थायित्व र राष्ट्रहितमा निधिकै दर्शनमा अघि बढ्नुपर्ने अवस्था आउँदैछ ।’
उनले पार्टीको आन्तरिक झगडाबारे पनि प्रकाशमान सिंहलगायत नेताहरूलाई लक्षित गर्दै टिप्पणी गरेका थिए । पार्टीभित्र विगतदेखि धेरै समस्याहरू रहँदैआएको बताउँदै उलने त्यसलाई मिलाएर आफू अघि बढ्न कोशिसरच रहेको बताए । कार्यक्रममा प्रतिष्ठानका मानार्थ अध्यक्ष तथा कांग्रेस उपसभापति निधिले लोकतन्त्र, संघीयता, जनअधिकार, मानव अधिकारको सिद्धान्तप्रति विश्वास नगर्ने कम्युनिस्टको जनवादी केन्द्रीयताले सिंगो मुलुक र राज्यका सबै निकायलाई कम्युनिस्टकरण गर्न लागिरहेको आरोप लगाए ।
यस्तै, सभापति देउवाले प्रजातन्त्रका लागि अन्तिम लडाई लडनुपर्ने अवस्था आउन सक्ने बताउदै आफ्ना नेता नेता तथा कार्यकर्तालाई सजग गराए । सभापति देउवाले सरकारले शान्तिपूर्ण आन्दोलन पनि गर्न नदिएकाले फेरि एकपटक कांग्रेसले प्रजातन्त्रका लागि लडनुपर्ने अवस्था आउन सक्ने बताए ।
उनले प्रजातन्त्रका लागि कुनैपनि समयमा अन्तिम लडाइँ लडनुपर्ने अवस्था आउन सक्ने भन्दै नेताहरूलाई एकजुट हुन समेत आग्रह गरेका छन् । कुनैपनि किसिमको हिंसाबाट मुक्त समाज स्थापित गराउन र प्रजातन्त्रको खिलापमा कांग्रेसले कसैसँग सम्झौता नगर्नेसमेत उनले अठोट गरेका छन् ।
सरकारसँग निकै आक्रोशमा उत्रिएका देउवाले कांग्रेसभित्र केही विवादहरू देखिएपनि त्यसको समाधान पार्टीभित्रैबाट खोजिएको समेत दावी गरे । तर, राष्ट्रहितका लागि कांग्रेस सँधै एकजुट भएर लडाई लडेको भन्दै अबपनि अन्तिम लडाइँ लडन तयार रहेको बताएका छन् । केही समय यता सरकारविरुद्ध आन्दोलन छेड्ने भन्दै कांग्रेस सरकारको विरोधमा उत्रिएका छन् । जनमानसमा समेत वर्तमान सरकार निरंकुश र तानाशाशी भन्दै गएको र प्रतिपक्षी कमजोर बनेको प्रतिक्रिया आइरहेको बेला कांग्रेसले आफ्नो यो पछिल्लो निर्णय गरेको हो । तर, कांग्रेसले जे भनेपनि वर्तमान सरकारको पक्षमा कांग्रेस रहेको भान उनको क्रियाकलापबाटै थाहा हुन्छ ।
पछिल्लो समय नेकपाभित्रै पनि विवादमा रहेको एमसीसी सम्झैताबारे समेत कांग्रेसले मौन सहमति जनाएको छ । जसका कारण अहिले एमसीसी सम्झौताबारे बारे सत्तारुढ र प्रतिपक्षीबीच समेत मतभेद रहेको पाइन्छ । यसैत्रबेला कांग्रेस सभापति देउवाले वर्तमान कम्युनिष्ट सरकारविरुद्ध आन्दोलन छेड्ने अन्तिम लडाइँ गर्ने भन्दै सार्वजनिक स्थलमा भाषण गर्दा कांग्रेसभित्रै समेत शंका पैदा गरेको छ । जो सभापतिको भनाइप्रति कांगे्रसमै समेत विश्वास नगरिएको यसले पुष्टि गर्छ ।
