काठमाडौं– वातावरणमैत्री समाज र महिला जागरण मञ्चको आयोजनामा निःशुल्क स्वास्थ्य शिविर सम्पन्न भएको छ । शनिबार मैतीदेवी मन्दिर परिसरमा आयोजित शिविरमा डेढ सयभन्दा बढीले निःशुल्क स्वास्थ्यपरीक्षण गराएको आयोजकले जानकारी दिएको छ ।
स्वास्थ्य शिविरको उद्घाटन गर्दै बागमती प्रदेशसभाका सभामुख भुवन पाठकले मानव स्वास्थ्यका लागि गरिएको कार्यक्रम अत्यन्त सरहानीय भएको बताए । उनले निःशुल्क स्वास्थ्य शिविरबाट वडावासी लाभान्वित भएको उल्लेख गर्दै आयोजकलाई धन्यवाद दिए ।
‘स्वास्थ्य सबैभन्दा महŒवपूर्ण र संवेदनशील विषय हो । अहिले स्वास्थ्य सेवा धेरै महँगो बनेका कारण जनताको पहुँचबाट टाढा बनेको छ । यस किसिमको निःशुल्क स्वास्थ्य शिविरले जनतालाई आफ्नै घरदैलोमा स्वास्थ्य परीक्षणको अवसर दिलाएको छ,’ सभामुख पाठकले भने ।
महिला जागरण मञ्चले नियमित आयोजना गर्दै आएको रक्तदान कार्यक्रमलाई शनिबार पनि निरन्तरता दिएको थियो । मानिसको जीवन बचाउने रगतको अभाव पूर्ति गर्नका लागि रक्तदान कार्यक्रम प्रभावकारी हुने बताउँदै सभामुख पाठकले मञ्चको कार्यको प्रशंसा गरे । उनले यस्ता कार्यक्रमलाई निरन्तरता दिनुपर्नेमा जोड दिए ।
