कपिलवस्तु– नेपाली कांग्रेसको भातृ संगठन नेपाल मुस्लिम संघ कपिलवस्तुको सभापतिमा अफताब आलम चयन भएका छन् ।
कपिलवस्तु बुद्धभुमी नगरपालिकाको सभाहल बुड्डी चोकमा भएको नेपाल मुस्लिम संघको तेस्रो जिल्ला अधिवेशनले अफताब आलमको अध्यक्षतामा १५ सदस्यीय जिल्ला कार्य समिति गठन भएको नेपाली कांग्रेस जिल्ला कार्य समिति सभापति अब्दुल कलामले जानकारी दिए ।
नेपाल मुस्लिम संघको विधान अनुसार जिल्ला अधिवेशनले सर्वसहमतीले अफताब आलमको सभापतित्वमा जिल्ला कार्य समिति चयन गरिएको नेपाल मुस्लिम संघका केन्द्रीय उपाध्यक्ष अकिल मियाले बताए ।
कार्यक्रममा बोल्दै नेपाली कांग्रेसका सभापति अब्दुल कलामले नेपाली कांग्रेसले मुस्लिमहरुको हक अधिकारको लागि सदैव अग्रसर रहेको बताए । सभापति कलामले नेपाल मुस्लिम संघको सगंठन विस्तारमा जोड दिन नव निर्वाचित पदाधिकारीलाई सुझाव समेत दिए ।
नेपाल मुस्लिम संघको पुर्व अध्यक्ष असअद कमालको कोभिड– १९ का कारण मृत्यु भएपछि जिल्ला कार्य समिति गठन हुन सकेको थिएन ।
नेपाल मुस्लिम संघको अधिवेशन पुर्व सचिव सिराज अहमद खाँको सभापतीत्वमा सम्पन्न भएको हो । नेपाल मुस्लिम संघको उपसभापतिमा करम हुसेन, अब्दुल सलिम , सचिव मोहम्मद मुस्ताफा, सहसचिव सरिफ मुसलमान, कोषाध्यक्ष मुक्तार अहमद खाँ सदस्यहरू तहिरा खाँ, नुर मोहम्मद खाँ, समि मोहम्मद, अब्दुल मजिद, जमसेद खाँ, नसरुद्दिन खाँ लगायत चयन भएका हुन्। अन्य पदअधिकारी र सदस्यहरुलाई पछी मनोनयन गरिने नेपाल मुस्लिम संघका नव नियुक्त अध्यक्ष अफताब आलमले जानकारी दिए ।
नेपाल मुस्लिम संघ कपिलवस्तुको जिल्ला अधिवेशनले महाअधिवेशन प्रतिनिधि समेत चयन गरेको छ । महाअधिवेशन प्रतिनिधिमा अब्दुल करिम, जमसेर खाँ, मोहबत अली खाँ, लगायत रहेका छन् ।
