काठमाडाैं - नेपाली खानपानलाई बाजारिकरण र सेफहरुलाई प्रोत्साहन गर्नका लागि चौरासी वञ्यजनको प्रतियोगिता हुने भएको छ । साेमबार एयरपाेर्ट हाेटलमा पत्रकार सम्मेलन गरी सत्कार पेशामा आवद्ध सेफ तथा होटल, रेष्टुरेष्ट व्यवसायीहरुलाई 'चौरासी व्यञ्जन अर्वाड तथा सम्मान'बाट सम्मान र अवार्ड दिइने भएको हो ।
चौरासी व्यञ्जन समुहका आयोजनामा विभिन्न सेफका संघसंस्था , भोटिङका लागि इभेन्ट यापको सहकार्यमा सो कार्यक्रम गरिने भएको हो । लामो समयदेखि नेपाली खानपानको बारेमा विभिन्न अध्ययन,अनुसन्धान खोज तथा संकलन गर्दै आइरहेको चौरासी वञ्यजन समुहले उक्त कार्यक्रम गर्ने भएको हो ।
नेपाली खानपानलाई बाजारिकरण गर्नको लागि नेपाली खाना र नेपाली सत्कार आवश्यक भएकोले यस्ता कार्यक्रम गर्दै आएको चौरासी व्यञ्जन समुहका अध्यक्ष तथा नेपाली खानाका अभियान्ता सेफ प्रेमलाल घिसिङले बताएका छन् । यस वर्ष पनि चौरासी व्यञ्जन अवार्ड तथा सम्मान सिजन–२,‘चौरासी व्यञ्जन प्रतियोगिता सिजन–२ ‘, र ‘खाने कथा' लिएर आएको प्रेस विज्ञप्तिमा भनिएको छ ।
नेपाली परिकारहरुलाई बजारमा स्थापित गर्नको लागि र विश्वभर सत्कार पेशामा आवद्ध सत्कार पेशाकर्मीहरुको प्रोत्साहनका लागि यो कार्यक्रमको आयोजना गरेको उनले बताए। उनले देशैभर १०१ दिन घुमेर नेपाली रैथाने लोक तथा मौलिक खानपानको अध्ययन ,अनुसन्धान र संकलन गरेको बताएका छन् ।
कार्यक्रममा पुराना सेफहरुलाई राज्य र काम गरेको संस्थाबाट कुनै सम्मान र प्रोत्साहन नभएकोले यस प्रतियोगित र अवार्डले सम्मान गर्ने जनाइएको छ । साथै उनीहरुमा भएको सीप र कलालाई पुस्तान्तरणमा यस कार्यक्रमले सहयोग गर्ने बताइएको छ ।
रैथाने खानाले बजार नपाएको अवस्थमा यस किसिमको कार्यक्रमले बजारीकरण गर्नुका साथै प्रचार प्रसार पनि हुने अपेक्षा भएको अध्यक्ष घिसिङले बताए। उनले भने,‘ नेपाली बजारमा रेथानेको खाना माग बनाउन सक्नुपर्छ । परिकार नै बनाउँदैनन् । नेपाली परिकार र सत्कारका लागि राज्यलाई पनि दबाब दिन यो कार्यक्रम आयोजना गरिएको हो ।' ‘ विदेशी पर्यटकहरुलाई पनि नेपाल आउँदा होस् वा नेपाली हवाइजहाजमा पनि नेपाली खाना सत्कार गर्न पाउनुपर्छ र अनिवार्य बनाउन सक्ने बनोस् । स्वागत सत्कारमा पनि अनिवार्य रुपमा भोजहरुमा नेपाली खाना पस्किन सकोस' उनले प्रेस मिटमा बताए ।
सेफ व्यञ्जन प्रतियोगिता‘ मा भाग लिनको लागि यही साउन १५(२०८०) गतेदेखि भदौ १० गतेभित्र गुगलमा भएको फारम भर्नुपर्ने आयोजकले जनाएको छ । यस कार्यक्रमको फाइनल भने असोज २६ गते शुक्रबार विशिष्ट व्यक्तित्वहरु र विविध साँस्कृतिक कार्यक्रमका साथमा समापन गरिने समूहले जनाएको छ ।
यस कार्यक्रमबाट उठेको रकमलाई अक्षयकोषमा राखि हरेका वर्ष आजिवन रुपमा ‘चौरासी व्यञ्जन अवार्ड तथा सम्मान‘ र ‘चौरासी व्यञ्जन प्रतियोगिता' गरिने छ । साथै विश्वभर आवद्ध भएका नेपालीहरुलाई पनि विशेष चौरासी व्यञ्जन सम्मान गरिने आयोजकले बताएको छ ।
उक्त कार्यक्रममा १४ वटा व्यञ्जन विषयवस्तुमा ८४ व्यञ्जन प्रतियोगिता हुने जनाइएको छ ।
- Chaurasi Byanjan Award-Homestay of the year 2023 नेपालभरका कुनै पनि होमस्टेले भाग लिन पाउने
- Chaurasi Byanjan Award- Young Chef of the year 2023 २५वर्षदेखि ४०वर्षसम्मको सेफहरुले भाग लिन पाउने
- Chaurasi Byanjan Award-Young Excusive Chef the year 2023 फाइन्निङ रेष्टुरेन्ट, रिसोर्ट र होटलका ४५ वर्षसम्मका सेफहरुले भाग लिन पाउने
- Chaurasi Byanjan Hero Chef of the year 2023 सत्कार पेशामा काम गरेर १० वर्ष अनुभवी सेफहरुले भाग लिन पाउने
- Chaurasi Byanjan Award- Bakery Chef of the year 2023 रेष्टुरेन्ट, रिसोर्ट र होटलका बेकरी सेफहरुले भाग लिन पाउने
- Chaurasi Byanjan Award- Chef Instructor of the year 2023 BHM र DHMका सेफहरुले भाग लिन पाउने
- Chaurasi Byanjan Award- Female Chef of the year 2023 रेष्टुरेन्ट, रिसोर्ट र होटलका महिला तथा केटी सेफहरुले भाग लिन पाउने
- Chaurasi Byanjan Award- BHM Coordinator of the year 2023 BHM Collegesका Coordinatorले भाग लिन पाउने
- Chaurasi Byanjan Award- Best plating Chef of the year2023 रेष्टुरेन्ट, रिसोर्ट र होटलमा काम गरेका सेफहरुले कुनै पनि खानाको सजावट फोटोसहित भाग लिन पाउने
- Chaurasi Byanjan Award- Best carving Chef of the year 2023 रेष्टुरेन्ट, रिसोर्ट र होटलमा काम गरेका सेफहरुले कुनै पनि Fruits or vegetable काे कारभिङ फोटोसहित भाग लिन पाउने
- Chaurasi Byanjan Award-Restraint of the year 2023 आफ्नाे रेष्टुरेन्टकाे नेपाली मेनु,खानाकाे सजावटकाे फाेटाेसहित भाग लिन पाउने
- Chaurasi Byanjan Award-Hotel of the year 2023 यसको जिम्मा होटल एसोसिएसनलाई दिइने
- Chaurasi Byanjan Award-BHM college of the year 2023
- Chaurasi Byanjan Award-HM college of the year 2023
