धेरै श्रमिक पठाउने पाँच म्यानपावर
द रिभर ओभरसिज ५,०१२ जना
इन्टरनेसनल मेनपावर रिक्रुटमेण्ट ५,००२ जना
वाइडस्पेस इन्टरनेसनल ३,९२० जना
नीलकमल ह्युमन रिसोर्स ३,६४१ जना
एक्सेस पार्टनर्स ३,४२८ जना
काठमाडौं– चालु आर्थिक वर्ष २०७९÷८० को असार १५ गतेसम्म सात लाख २५ हजारभन्दा बढी युवा रोजगारीका लागि विदेशिएका छन् ।
उनीहरु म्यानपावर कम्पनीमार्फत रोजगारीका लागि विभिन्न देशमा गएका हुन् ।वैदेशिक रोजगार विभागले उक्त अवधिमा म्यानपावर कम्पनीमार्फत वैदेशिक रोजगारीमा गएका श्रमिकको तथ्यांक सार्वजनिक गरेको हो ।
यद्यपि, वैदेशिक रोजगार व्यवसाय सञ्चालन गर्न इजाजतपत्र दिएका ८५४ वटा म्यानपावरमध्ये १०० भन्दा कम श्रमिक पठाउने २१२ म्यानपावरको नामावली विभागले सार्वजनिक गरेको छैन । विभागले सात लाख ४० हजारभन्दा बढी श्रमिकले रोजगारीका लागि विदेश जान अन्तिम श्रम स्वीकृति लिएको विभागको तथ्यांकले देखाएको छ ।
म्यानपावर कम्पनीले वार्षिकरुपमा न्यूनतम १०० श्रमिक पठाउनैपर्ने प्रावधान रहेका कारण उल्लिखित संख्याभन्दा कम श्रमिक पठाउने म्यानपावर कम्पनीको नामावली सार्वजनिक नगरिएको विभागका एक अधिकारीले जानकारी दिएका छन् । वर्षमा १०० जना श्रमिकलाई रोजगारीमा पठाउन नसक्ने म्यानपावर कम्पनीको नवीकरण नहुने र इजाजतपत्र रद्द हुने कानुनी व्यवस्था छ ।
तोकिएको संख्या पु¥याउन नसक्ने म्यानपावर कम्पनीको इजाजतपत्र जोगाउन र नवीकरण गराउन नेपाल वैदेशिक रोजगार व्यवसायी संघले सरकारसँग माग गर्दै आइरहेको छ ।विभागले प्रकाशन गरेको आँकडाअनुसार चालु आवको यस अवधिमा द रिभर ओभरसिजले वैदेशिक रोजगारमा सबैभन्दा बढी श्रमिक पठाएको छ ।
उक्त म्यानपावर कम्पनीले पाँच हजार १२ जना नेपालीलाई विदेश पठाएको विभागले जनाएको छ । त्यस्तै, दोस्रोमा इन्टरनेसनल मेनपावर रिक्रुटमेण्ट रहेको छ । सो कम्पनीले पाँच हजार दुई जना श्रमिक पठाएको तथ्यांक छ ।
तेस्रोमा वाइडस्पेस इन्टरनेसनलले तीन हजार ९२० जनालाई रोजगारीका लागि विदेश पठाएको छ । चौथो स्थानमा रहेको नीलकमल ह्युमन रिसोर्सले तीन हजार ६४१ जनालाई विदेश पठाएको छ भने पाँचौं स्थानमा रहेको एक्सेस पार्टनर्सले तीन हजार ४२८ जनालाई विदेश पठाएको विभागले उल्लेख गरेको छ ।
यसैगरी मोन्टेज ओभरसिज, मेरिडियन ओभरसिज, एसओएस म्यानपावर सर्भिस र मास ह्युमन रिसोर्सले तीन हजारभन्दा बढी श्रमिक विदेश पठाएर रेकर्ड राखेका छन् । १४ वटा म्यानपावरले दुईदेखि तीनहजारको संख्यामा श्रमिकलाई रोजगारीका लागि विदेश पठाएको विभागको आँकडाले देखाएको छ ।
त्यस्तै ७७ वटा म्यानपावरले एक हजारदेखि दुई हजार श्रमिकलाई विदेश पठाएका छन् । प्रहरी उपरीक्षक रविन्द्र रेग्मीले जानकारी दिए ।
-1745656903.jpeg)