काठमाडाैं - घुमौ लुम्बिनी टिकटक च्यालेन्ज प्रतियोगिता २०२३ को पुरस्कार वितरण कार्यक्रम सम्पन्न भएकाे छ ।
लुम्बिनी विकास कोष र नेपाल पर्यटन बोर्डले गरेकाे संयुक्त आयोजनामा नेपाल पर्यटन बोर्डको हलमा भएकाे घुमौ लुम्बिनी टिकटक च्यालेन्ज प्रतियोगिता २०२३ को पुरस्कार विजेताहरुलाई वितरण गरेकाे हाे ।
गौतम बुद्धको जन्मस्थल लुम्बिनी र यसको सेरोफेरोमा रहेका संस्कृति, पर्यटन, भेषभुषा लगायतका सबै कुरा समेटर लुम्बिनीको महत्व झल्काउने गरी छोटो समयमा अत्याधिक धेरै व्यक्तिहरु माझ पुग्ने उद्देश्यका साथ वैशाख १० गते देखि जेठ २० गते सम्म भएको हाे ।
[caption id="attachment_69305" align="alignnone" width="800"]
संस्कृति, पर्यटन तथा नागरिक उड्डयन मन्त्रि माननीय सुदन किराती[/caption]
विजेताहरुलाई संस्कृति, पर्यटन तथा नागरिक उड्डयन मन्त्रि माननीय सुदन किरातीले पुरस्कार वितरण गरेका हुन् ।
सम्पन्न भएको उक्त पुरस्कार वितरण समारोहमा संस्कृति, पर्यटन तथा नागरिक उड्डयन राज्यमन्त्रि माननीय शुशिला श्रीपाली ठकुरीले आफ्नो मन्तब्य राख्दै लुम्बिनी राष्ट्रको अमुल्य हिरा भएको तर यसको महत्व प्रभावकारी रुपमा विश्वसामु फैलाउन नसकेको कुरा स्वीकार गर्दै प्रतियोगितामा भाग लिने सबैलाई विशेष धन्वाद तथा बधाई ज्ञापन गरेका छन् ।
[caption id="attachment_69306" align="alignnone" width="800"]
घुमौ लुम्बिनी टिकटक च्यालेन्ज प्रतियोगिता २०२३ को पुरस्कार वितरण कार्यक्रममा विजेताहरुका साथमा[/caption]
सोही कार्यक्रममा बोल्दै नेपाल पर्यटन बोर्ड का प्रमुख कार्यकारी डा. धनन्जय रेग्मीले अहिलेको जमाना टिकटकको भएकोले यस प्रतियोगिताले लुम्बिनीको पर्यटन प्रवर्दनमा टेवा पुग्ने कुरामा आफु विश्वस्त भएको बताएका छन् ।
लुम्बिनी बिकास कोषका सदस्य सचिव सानुराजा शाक्यले टिकटकको छोटो-छोटो भिडियोबाट धेरै जानकारी पाउने युगमा आफु धेरै बोल्न नचाहने बताउदै सम्पूर्ण विजेता र सहभागीहरुलाई लुम्बिनीको महत्वको विषयमा २ करोड भन्दा धेरै व्यक्तिको माझ एकै पटक पूर्याउन महत्वपुर्ण भूमिका खेलेकाेमा विशेष धन्यवाद दिए । उक्त प्रतियोगिता गर्न जिम्मा लिएका इरु टेक प्रा लिलाई पनि सफलतापुर्वक कार्यक्रम सम्पन्न गराएकोमा धन्यवाद दिए ।
-1755862759.jpeg)
