काठमाडौं– प्रमुख प्रतिपक्षी दल नेपाली कांग्रेसले लगातार दिन दिनयता संसद अवरुद्ध गर्दै आएको छ । आफ्ना नेता विजयी गच्छदारलाई भ्रष्टाचार मुद्दा लगाइएको विरोधमा कांग्रेसले आइतबार पनि प्रतिनिधि सभा बैठक अवरुद्ध गरेको छ ।
बालुवाटारस्थित ललितानिवास जग्गा प्रकरणको मुद्दालाई लिएर कांग्रेसले शुक्रबार र शनिबार र आइतबार लगातार तीन दिन संसद अवरुद्ध गरेको हो । तर, कांग्रेसले संसद बैठक चल्न नदिएको प्रति सरकारले विरोध गर्नुको कुनै अर्थ नरहेको जनाएको छ । विशेष अदालत पुगेको मुद्दामाथि संसदमा विरोध गर्नुको कुनै औचित्य अर्थ नरहेको सरकारका प्रवक्ता तथा सञ्चारमन्त्री गोकुल बाँस्कोटाले बताएका छन् । उनले भने, ‘अहिलेको यो मुद्दामा विरोध गर्नुको अर्थ छैन ।’
यस्तै, यसै मुद्दाले आइतबार प्रदेश १ संसदमा पनि प्रवेश पाएको छ । सोही विषयलाई लिएर आइतबार बोलाएको संसद बैठक कांग्रेस संसदले अवरोध गरेका छन् । जग्गा प्रकरणको मुद्दामा वर्तमान सरकारले आङ्खनालाई बचाउने र अन्यलाई मुद्दा लगाउने षड्यन्त्र गरेको भन्दै कांग्रेस सांसदले बैठक अवरोध गरेका हुन् ।
आइतबार बसेको बैठकको सुरुवातमै कांग्रेस सांसदले आ–आफ्नो स्थानबाट उठेर अवरोध गरेका थिए । सभामुख प्रदिप भण्डारीले पटक–पटक बैठक सूचारु गर्नमा सहयोग पु¥याउन अनुरोध गर्दा पनि नेपाली कांग्रेसका सांसद उभिएर अवरोध गरेका थिए ।
सभामुख प्रदीपकुमार भण्डारीले पटक–पटक बस्न आग्रह गरेपनि नेपाली कांग्रेसका सांसदले उठेर विरोध जनाएपछि सचेतक सूयर्माराज राईलाई बोल्न समय दिइएको थियो । संसदमा बोल्दै कांग्रेस सचेतक राईले सरकारले विभेदकारी नीति अपनाएर कसैलाई मुद्दा दायर गर्ने र कसैलाई उन्मुक्ति दिएकोमा कांग्रेसले यसको विरोध गरेको बताए ।
‘एउटै प्रकृतिको मुद्दामा पक्षपात भएको छ’ सचेतक राईले भने, ‘जबसम्म सरकारले सबैमा एकरूपता देखाउँदैन तबसम्म संसद बैठक कांग्रेसले अवरोध गर्नेछ ।’
